Bir aıǵa sozylǵan kitap festıvali aıasynda myńdaǵan kitap tómen baǵamen satyldy
ASTANA. KAZINFORM – 1-31 qazan aralyǵynda elimizdiń jetekshi kitap jáne oıyn-saýyq ónimderin usynatyn MELOMAN/MARWIN dúkender jelisi uıymdastyrǵan dástúrli BOOKFEST 2025 kitap festıvali sátti ótti.
Bir aıǵa sozylǵan bul aýqymdy mádenı shara Qazaqstandaǵy kitapqumar qaýym úshin naǵyz ádebı merekege aınaldy. Festıval barysynda myńdaǵan ataýly kitap jeńildetilgen baǵamen satylymǵa shyǵarylyp, satyp alýshylar arasynda qundy syılyqtar men tosynsyılar oınatyldy. Festıvaldiń seriktesteri — elimizdiń azamattyq avıatsııa salasynyń flagmany Air Astana áýe kompanııasy men Sweatberry Tours týrıstik kompanııasy qatysýshylarǵa erekshe syılyqtar — Bangkok qalasyna áýe bıletteri jáne Linkin Park tobynyń kontsertine arnalǵan avtorlyq týrlar usyndy.
Festıval aıasynda otandyq jáne sheteldik tanymal avtorlar, bıznes salasynyń ókilderi men medıa tulǵalar qazaqstandyq oqyrmandarmen kezdesip, ashyq formattaǵy suhbattar, sheberlik sabaqtary men avtograf-sessııalar ótkizdi. Belgili qoǵam qaıratkeri Qaırat Joldybaıuly, Ularbek Dáleıuly, Baıanǵalı Álimjanov, Jaqsylyq Sábıtov, Qyran Talapbek, Rashıd Nuǵymanov t.b. kóptegen adamdar MELOMAN/MARWIN kitap dúkenderinde oqyrmandar suraqtaryna jaýap berip, avtograf-sessııalar ótkizdi.
Sondaı-aq, qazirgi tańda shyǵarmalary eń kóp tırajben satylyp jatqan belorýs jazýshysy Olga Prımachenko da Almatyǵa arnaıy kelip, oqyrmandarmen kezdesý keshin uıymdastyrdy. Bul suhbattar oqyrmandar úshin úlken shabyt kózi boldy.
«Býkfest — biz úshin jaı ǵana kitap festıvali emes, bul — oqý, shabyt jáne shynaıy qarym-qatynastyń merekesi. Biz ony kitaptyń áli de ıdeıalardyń, emotsııa men damýdyń eń qýatty kózi ekenin eske salý úshin uıymdastyrdyq. Jyl saıyn festıval jazýshylardy, baspagerlerdi, oqyrmandardy, blogerlerdi — kitap súıetin jáne sózdiń kúshi men qudiretine senetin jandardy biriktiredi.
Meloman/Marwin jelisi úshin bul — Qazaqstandaǵy oqý mádenıetin qoldaý, jańa esimderdi ashý, otandyq avtorlardy nasıhattaý jáne jańa oılar men armandar týyndaıtyn tiri keńistik qalyptastyrý múmkindigi. Biz kitapqa degen qyzyǵýshylyqtyń artyp kele jatqanyn kórip otyrmyz, jáne dál osyndaı is-sharalar bul qozǵalysty odan ári kúsheıtedi», - deıdi Meloman/Marwin jelisiniń ókili Dıana Isabekova.
Festıval barysynda qazaqtildi kitaptarǵa degen suranystyń artqany anyq baıqaldy. Qatysýshylar otandyq avtorlardyń týyndylaryna erekshe qyzyǵýshylyq tanytyp, jańa jaryq kórgen kitaptardy belsendi satyp aldy. Sonymen qatar, otandyq baspalar usynǵan sapaly aýdarmalar kóptiń kóńilinen shyqty. Atap aıtqanda Meloman Publishing jáne Foliant baspalary Djo Dıspenzanyń «Aqyldyń múmkindigi sheksiz» kitabyn tuńǵysh ret qazaq tiline aýdaryp, kóziqaraqty qaýymnyń ystyq yqylasyna bólendi. Bul — elimizdegi kitap oqý mádenıetiniń jyldan-jylǵa joǵarylap kele jatqanyn kórsetedi.
Festıvaldiń taǵy bir jarqyn qyry — jastardyń belsendiligi boldy. Erekshe formattaǵy pikirtalastar men shyǵarmashylyq kezdesýlerge stýdentter men jas mamandar kóptep qatysty. Sondaı-aq, jas kásipkerler úshin uıymdastyrylǵan arnaıy sessııalar bıznes salasyna qyzyǵýshylarǵa mol múmkindik syılady.
Festıvaldiń joǵary deńgeıde ótýine atsalysqan aqparattyq seriktesterimiz ben demeýshilerimizge erekshe alǵysymyzdy bildiremiz. BOOKFEST 2025 — bul tek kitap festıvali ǵana emes, elimizdegi mádenı dıalogtyń damýyna, zııatkerlik keńistiktiń keńeıýine qosylǵan úles.
Aıta keteıik, Qyzylorda qalasynda táýlik boıy jumys isteıtin kitaphana ashylýy múmkin.