Bir aıda sıntetıkany qoldan jasaıtyn bes óndiris áshkerelenip, 300 kelige jýyq esirtki alyndy - UQK

Ulttyq qaýipsizdik komıteti 2023 jylǵy qazanda esirtki bıznesine qarsy birneshe operatsııa ótkizdi, dep habarlaıdy Kazinform.

Sıntetıkalyq esirtkini qoldan jasaıtyn 5 óndiris jáne kannabıs ósirýge arnalǵan bir fıtolaboratorııanyń zańsyz jumysy áshkere boldy. 

Belarýs, Qyrǵyzstan, Reseı jáne Ózbekstannyń quzyretti organdarymen birlese halyqaralyq esirtki trafıginiń 6 arnasynyń joly kesildi.

Atalǵan arnaıy operatsııalar barysynda 23 kúdikti ustaldy.

Zańsyz aınalymnan 300 kelige jýyq esirtki jáne psıhotroptyq zattar, sondaı-aq «sıntetıka» jasaýǵa arnalǵan 1 tonnadan astam hımııalyq prekýrsor tárkilendi.