Bir aıda Ózbekstanǵa 100 myńnan astam qazaqstandyq saıahattap barǵan

TAShKENT. KAZINFORM – Bıyl qańtarda Ózbekstanǵa 678 myńnan astam sheteldik týrıst keldi, bul ótken jyldyń sáıkes kezińimen salystyrǵanda 30,5%-ǵa kóp, dep habarlaıdy Kazinform agenttiginiń menshikti tilshisi.

Ózbekstannyń Ulttyq statıstıka komıtetinen málim etkendeı, elge saıahattap kelgen sheteldikterdiń kóbi - Qyrǵyzstan (211,2 myń adam) men Tájikstan (200,9 myń adam) azamattary.

Bul rette úshtikti Qazaqstan túıindeıdi. Bıyl qańtarda Ózbekstanda 105,5 myńnan astam qazaqstandyq demalysyn ótkizgen.

Týrısterdiń kóbi Tashkent, Samarqan, Buhara jáne Hıýa qalalarynyń kórikti jerlerine saıahattaǵan.

Eske salaıyq, 2024 jyly kórshiles el 2,2 mln qazaqstandyq saıahatshyny qabyldaýdy josparlaǵan edi. Degenmen byltyr 11 aıda Ózbekstanǵa 1,3 mıllıonnan astam qazaqstandyq týrıst kelgen.