«Bir aýyl – bir joba»: Almaty oblysynda aýyl bıznesi qalaı damyp jatyr
ALMATY. KAZINFORM – 2024 jyldyń birinshi jartysynda Almaty oblysyndaǵy shaǵyn jáne orta bıznes, derekterge sáıkes qarqyndy ósýde. 1 tamyzdaǵy jaǵdaı boıynsha oblysta 140,6 myń ShOB (shaǵyn j/e orta bıznes) sýbektisi tirkelgen, bul bir jyl burynǵy kórsetkishten 4 paıyzǵa artyq.
Kásiporyndar sanynyń ósýi jumys oryndarynyń artýy: birinshi toqsanda sektorda 241,2 myń adam jumyspen qamtylǵan, bul 2023 jylmen salystyrǵanda 5,7%-ǵa artyq.
Kásiporyndar sany boıynsha jetekshi oryndardy saýda (35,3%), aýyl sharýashylyǵy (22,4%) jáne óńdeýshi ónerkásip (5,5%) alady.
2024 jyldyń alǵashqy úsh aıynda ShOB (shaǵyn orta bıznesi) sýbektileri óndirgen ónim men kórsetilgen qyzmettiń jalpy kólemi 805,6 mlrd teńgeni qurap, ótken jylmen salystyrǵanda 18,1%-ǵa ósti.
Shaǵyn kásipkerliktiń oblys qazynasyna qosatyn úlesi de artyp keledi.
2024 jyldyń birinshi jartysynda ShOB sýbektilerinen 149,7 mlrd teńge salyq alyndy, bul ótken jylmen salystyrǵanda 13,9%-ǵa joǵary. Oblys bıýdjetine ShOB sýbektilerinen túsken túsimderdiń úlesi 27,4%-ǵa jetti.
– Almaty oblysy úshin kásipkerlikti damytý, basymdyqtardyń biri sanalady. Biz aımaqtaǵy bıznestiń qarqyndy jáne turaqty damýy, turǵyndardy jumys oryndarymen qamtamasyz etý jáne bıýdjetti toltyrý úshin barlyq jaǵdaıdy jasaýǵa tyrysamyz», - dep atap ótti oblys ákiminiń orynbasary Rýstam Isataev.
2024 jyly ShOB-ti qoldaýǵa 36 mlrd teńge bólindi. Qazirdiń ózinde 20,1 mlrd teńge ıgerildi, 962 joba qarjylandyryldy, jas kásipkerlerge 392 shaǵyn nesıe berildi.
Aýyldyq jerlerde kásipkerlikti damytýǵa erekshe kóńil bólinýde.
«Bir aýyl – bir joba» aıasynda 373 aýylda 1 266 kásiporyn ashylyp, 3,5 myń jumys orny ashyldy.
20 myńnan astam turǵyny bar aýyldarda jekemenshik qyzmet kórsetý jelisi belsendi damyp keledi. Qazirdiń ózinde 34 qyzmet kórsetý ortalyǵy jumys istep, 945 jumys orny ashyldy.
Іs-sharalar kesheniniń arqasynda oblystyń JÓÓ-degi (jalpy óńirlik ónim) ShOB úlesi 46,5%-ǵa jetip, oblystyń respýblıkalyq reıtıngte 4-orynǵa shyǵýyn qamtamasyz etti.
