Biri - arnaıy qaýmalda ustaý, ekinshisi - atý: mınıstr kıik sanyn qalaı retteıtinin aıtty

ASTANA. KAZINFORM — Ekologııa jáne tabıǵı resýrstar mınıstri Erlan Nysanbaev Úkimet otyrysynan keıin ótken baspasóz máslıhatynda Turan jolbarysynyń popýlıatsııasyn qalpyna keltirý jumystary qalaı júrip jatqanyn aıtty.

Eske salsaq, Ulttyq quryltaıdyń V otyrysynda Prezıdent Qasym-Jomart Toqaev kıik sanyn retteý máselesin qaıta zerdeleýdi tapsyrǵan edi. 

— Biz kıik sanyn retteýge baılanysty ǵalymdar, sarapshylarmen kezdestik. Taǵy bir kezdesýdi kútip otyrmyz. Ǵylymı turǵyda bárin zerttep, búkil jaǵdaıdy eskerip, sheshim qabyldaýy kerek, — dedi Erlan Nysanbaev jýrnalıst suraǵyna bergen jaýabynda.

Mınıstr kıik sany qalaı retteletini týraly sheshim bıyl qabyldanatynyn aıtty. 

— Iá, bıyl qabyldaımyz dep oılaımyn. Kıik sanyn retteý degende eki túrli tásil bar. Biri — arnaıy qaýmalda ustaý. Ekinshisi — árıne atý. Basqasha qandaı joly bar? Biraq ǵalymdar ázirge qarap jatyr, — dedi vedomstvo basshysy.

Buǵan deıin de Reseıden Balqashqa 3-4 jolbarys ákelinetinin jazǵan edik.