Bir aptadaǵy kadrlyq aýys-túıis: jańa mınıstrler men basshylar kimder

Aptanyń basty kadrlyq jańalyǵy — Qorǵanys mınıstrligindegi ózgeris boldy. 27 qyrkúıekte Memleket basshysynyń Jarlyǵymen Dáýren Qosanov Qorǵanys mınıstri qyzmetinen bosatyldy. Bul sheshim Mańǵystaý oblysynda áskerı oqý-jattyǵý kezinde qazaqstandyq áskerı qyzmetshilerdiń qaza bolýymen tikeleı baılanysty. 24 qyrkúıekte Kaspıı teńizindegi oqý-jattyǵý barysynda toǵyz áskerı qyzmetshi qaza bolǵany habarlanǵan edi. 

Osylaısha Aıdos Myrzahmetov Qazaqstan Respýblıkasynyń Qorǵanys mınıstri bolyp taǵaıyndaldy.

Aıdos Sákenuly Myrzahmetov — QR Qarýly Kúshteriniń Áskerı akademııasyn 2002 jyly bitirgen. Áskerı qyzmet jyldarynda vzvod komandırinen bastap Memlekettik kúzet qyzmeti departamentiniń bastyǵyna deıingi joldan ótti. Qyzmet barysynda joǵary kásibıligin, tabandylyǵy men qabyldaǵan sheshimderi úshin jaýapkershiligin tanytty.

2024 jylǵy qańtarda QR Prezıdentiniń Jarlyǵymen Arnaıy operatsııalar kúshteriniń qolbasshysy bolyp taǵaıyndaldy. 2026 jylǵy mamyrda oǵan joǵary áskerı ataq — general-maıor ataǵy berildi. General sheniniń aıyrym belgilerin oǵan QR Prezıdenti jeke tabystady. «Aıbyn» II dárejeli ordenimen nagradtalǵan.

Qorǵanys salasynda apta ishinde taǵy bir kadrlyq sheshim qabyldandy. 24 qyrkúıekte Memleket basshysynyń ókimimen Dáýlet Bekmanov Qorǵanys mınıstriniń orynbasary bolyp taǵaıyndaldy.

Dáýlet Bekmanov 2004 jyly «Mıras» ýnıversıtetin «Informatıka» mamandyǵy boıynsha támamdaǵan. 2010 jyly M.Áýezov atyndaǵy Ońtústik Qazaqstan memlekettik ýnıversıtetinde «Memlekettik jáne jergilikti basqarý» mamandyǵy boıynsha bilim alǵan.

Eńbek jolyn 2007 jyly «Ulttyq aqparattyq tehnologııalar» kompanııasynda bastaǵan. Ár jyldary kompanııanyń AKT bóliminde jetekshi maman, AKT protsesterin taldaý jáne menedjmenti tobynyń bas menedjeri, sondaı-aq taldaýshy qyzmetterin atqardy.

2009-2011 jyldary «Densaýlyq saqtaý ınvestıtsııalyq jobalaryn basqarý ortalyǵy» JShS-de jetekshi maman boldy. 2011-2013 jyldary «Ulttyq aqparattyq tehnologııalar» AQ-da bas taldaýshy, sondaı-aq memlekettik qyzmetterdi avtomattandyrý salasynda basshylyq qyzmetter atqardy. Keıin QR Kólik jáne kommýnıkatsııalar mınıstrliginde elektrondyq qyzmetterdi baqylaý jáne halyqqa qyzmet kórsetý ortalyqtarynyń jumysyn úılestirý baǵytynda eńbek etti.

2014-2016 jyldary Qazaqstannyń Baılanys jáne aqparat agenttigi men Investıtsııalar jáne damý mınıstrliginiń qurylymdarynda elektrondyq qyzmetterdi damytý jáne baqylaý salasynda basshylyq qyzmetter atqardy. 2016-2017 jyldary Aqparat jáne kommýnıkatsııalar mınıstrliginiń memlekettik qyzmetterdi damytý departamenti dırektorynyń orynbasary, keıin aqparattandyrý departamentiniń dırektory boldy.

2017-2020 jyldary «Ulttyq aqparattyq tehnologııalar» AQ basqarma tóraǵasynyń orynbasary qyzmetin atqardy. 2020-2023 jyldary QR Tsıfrlyq damý, ınnovatsııalar jáne aeroǵarysh ónerkásibi mınıstrliginiń Memlekettik qyzmetter komıtetin basqardy. 2023-2025 jyldary «Qazposhta» AQ-da memlekettik qyzmetter kórsetý jónindegi basqarýshy dırektor boldy. 2025 jylǵy shildeden bastap «Ulttyq aqparattyq tehnologııalar» AQ basqarma tóraǵasy qyzmetin atqaryp keldi.

QR Qarýly Kúshteri Qurlyq áskerleriniń bas qolbasshysy laýazymyna Qýanyshbek Úshtaev taǵaıyndaldy. Buǵan deıin deıin ol Qurlyq áskerleri Bas shtabynyń bastyǵy — Bas qolbasshynyń birinshi orynbasary qyzmetin atqarǵan.

General-maıor Qýanyshbek Úshtaev Jambyl oblysy Jýaly aýdanynyń Alekseevka aýylynda dúnıege kelgen. Áskerı qyzmet jolyn áskerı ýchılışe kýrsanty bolyp bastap, Qurlyq áskerleri Bas qolbasshysynyń birinshi orynbasaryna deıingi joldan ótti.

Ár jyldary áskerı bólimderdiń komandıri, «Ońtústik» óńirlik qolbasshylyǵy áskerleri qolbasshysynyń jaýyngerlik daıarlyq jónindegi orynbasary — Jaýyngerlik daıarlyq basqarmasynyń bastyǵy, «Shyǵys» óńirlik qolbasshylyǵy áskerleri qolbasshysynyń birinshi orynbasary — shtab bastyǵy qyzmetterin atqardy. «Shyǵys» jáne «Ońtústik» óńirlik qolbasshylyqtarynyń áskerlerin basqardy.

1997 jyly Almaty joǵary jalpyáskerı komandalyq ýchılışesin, 2009 jyly Ulttyq qorǵanys ýnıversıtetin, 2018 jyly Reseı Federatsııasy Qarýly kúshteri Bas shtabynyń Áskerı akademııasyn bitirgen.

II dárejeli «Dańq» ordenimen, «Jaýyngerlik erligi úshin» medalimen, vedomstvolyq jáne mereıtoılyq medaldarmen nagradtalǵan.

Burynǵy Májilis tóraǵasy Erlan Qoshanov jańadan qurylǵan Qazaqstan Halyq Keńesiniń tóraǵasy bolyp saılandy. Onyń kandıtatýrasyn Prezıdent Qasym-Jomart Toqaevtyń ózi usynǵan edi.

Erlan Jaqanuly Qoshanov 64 jasta. Ol 1962 jyly 14 tamyzda Qaraǵandy oblysynyń Shet aýdanynda týǵan. Jezqazǵandaǵy Qaraǵandy polıtehnıkalyq ınstıtýtynyń fılıalynda (ınjener-mehanık) jáne Qazaq memlekettik basqarý akademııasynda (halyqaralyq ekonomıst) bilim alǵan. Eńbek jolyn Jezqazǵan ken-metallýrgııa kombınaty baıytý fabrıkasynyń slesari, sheberi bolyp bastaǵan.

Keıinirek Jezqazǵan oblystyq syrtqy ekonomıkalyq baılanystar komıtetinde túrli qyzmetter atqardy, QR Parlamenti Senatynyń depýtaty, Úkimettiń Parlamenttegi ókili, Kólik jáne kommýnıkatsııa vıtse-mınıstri, Azamattyq avıatsııa komıtetiniń tóraǵasy boldy.

Ár jyldary QR Premer-Mınıstri Keńsesi Basshysynyń orynbasary — Úkimettiń Parlamenttegi ókili, QR Premer-Mınıstri Keńsesiniń Basshysy, Qaraǵandy oblysynyń ákimi, QR Prezıdenti Ákimshiliginiń Basshysy qyzmetterin atqaryp, 2022 jyly QR Parlamenti Májilisiniń Tóraǵasy jáne «AMANAT» partııasynyń tóraǵasy boldy.

Sonymen birge, Prezıdent Joǵary aýdıtorlyq palata múshelerin taǵaıyndady.

Memleket basshysynyń jarlyqtarymen:

• Baqyt Úristemuly Ábildınov Qazaqstan Respýblıkasy Joǵary aýdıtorlyq palatasynyń múshesi bolyp taǵaıyndaldy, ol burynǵy atqarǵan laýazymynan bosatyldy;
• Rahymjan Myrzahanuly Dildaev Qazaqstan Respýblıkasy Joǵary aýdıtorlyq palatasynyń múshesi laýazymyna taǵaıyndaldy;
• Amangeldi Saǵyndyquly Esenov Qazaqstan Respýblıkasy Joǵary aýdıtorlyq palatasynyń múshesi laýazymyna taǵaıyndaldy;
• Ǵabıden Hasenuly Jaqsylyqov Qazaqstan Respýblıkasy Joǵary aýdıtorlyq palatasynyń múshesi laýazymyna taǵaıyndaldy;
• Rýslan Qasqyrbekuly Meldebekov Qazaqstan Respýblıkasy Joǵary aýdıtorlyq palatasynyń múshesi laýazymyna taǵaıyndaldy;
• Nurlan Amangeldiuly Nurjanov Qazaqstan Respýblıkasy Joǵary aýdıtorlyq palatasynyń múshesi laýazymyna taǵaıyndaldy;
• Ardaq Myrzabaıuly Teńgebaev Qazaqstan Respýblıkasy Joǵary aýdıtorlyq palatasynyń múshesi laýazymyna taǵaıyndaldy;
• ıÝlııa Fedorovna Engel Qazaqstan Respýblıkasy Joǵary aýdıtorlyq palatasynyń múshesi laýazymyna taǵaıyndaldy.

Memleket basshysy Qasym-Jomart Toqaevtyń jarlyqtarymen Qazaqstan Respýblıkasy Ortalyq saılaý komıssııasynyń alty jańa múshesi taǵaıyndaldy.

Memleket basshysynyń jarlyqtarymen:

• Azamat Maqsotuly Aımanakýmov Qazaqstan Respýblıkasy Ortalyq saılaý komıssııasynyń múshesi laýazymyna taǵaıyndaldy;
• Mıhaıl Mıhaılovıch Bortnık Qazaqstan Respýblıkasy Ortalyq saılaý komıssııasynyń múshesi laýazymyna taǵaıyndaldy;
• Muhtar Tildábekuly Erman Qazaqstan Respýblıkasy Ortalyq saılaý komıssııasynyń múshesi laýazymyna taǵaıyndaldy;
• Ásel Bolatqazyqyzy Janábilova Qazaqstan Respýblıkasy Ortalyq saılaý komıssııasynyń múshesi laýazymyna taǵaıyndaldy;
• Lázzat Kenesqyzy Súıindik Qazaqstan Respýblıkasy Ortalyq saılaý komıssııasynyń múshesi laýazymyna taǵaıyndaldy;
• Shavhat Ánesuly Ótemisov Qazaqstan Respýblıkasy Ortalyq saılaý komıssııasynyń múshesi laýazymyna taǵaıyndaldy.

QR Prezıdenti Іs basqarýshysynyń orynbasary bolyp Almas Isakov taǵaıyndaldy.

Almas Isakov 1985 jyly 25 mamyrda dúnıege kelgen. T. Rysqulov atyndaǵy Qazaq ekonomıkalyq ýnıversıteti men Ulybrıtanııadaǵy Ekzeter ýnıversıtetin bitirgen (University of Exeter), «Bolashaq» Prezıdenttik baǵdarlamasynyń stıpendıaty. Eńbek jolyn 2009 jyly Astana qalasy boıynsha Kedendik baqylaý departamenti mamanynyń m. a. qyzmetinen bastaǵan.

2010-2012 jyldary Almaty qalasy boıynsha Salyq departamentiniń bas mamany bolyp jumys istegen. 2012-2014 jyldar aralyǵynda — QR Qarjy mınıstrligi men Ekonomıkalyq damý jáne bıýdjettik josparlaý mınıstrliginde sarapshy jáne bas sarapshy laýazymdaryn atqarǵan. 2015 jyldan 2019 jylǵa deıin salyq jáne keden saıasaty Departamenti salyq saıasaty basqarmasynyń basshysy, keıin QR Ulttyq ekonomıka mınıstrliginde kásipkerlikti memlekettik qoldaý Departamenti dırektorynyń orynbasary qyzmetterin atqardy.

2019 jyly Aqparattyq-taldaý ortalyǵynyń jedel taldaý sektorynyń meńgerýshisi jáne QR Premer-Mınıstri Keńsesiniń jobalyq basqarý ortalyǵynyń bas ınspektory laýazymdaryn atqarǵan. 2019-2021 jyldary — QR Saýda jáne ıntegratsııa mınıstrliginiń strategııa departamentiniń dırektory retinde eńbek etken. 2021 jylǵy aqpannan 2023 jylǵy qańtarǵa deıin QR Prezıdenti Ákimshiliginiń Áleýmettik-ekonomıkalyq monıtorıng bóliminiń qarjy naryqtary sektorynyń meńgerýshisi bolyp jumys istedi. 2023 qańtarda QR Básekelestikti qorǵaý jáne damytý agenttigi Apparatynyń basshysy laýazymyna taǵaıyndaldy.

Memleket basshysynyń ókimimen Ardaq Zebeshev Qazaqstan Respýblıkasy Syrtqy ister mınıstriniń orynbasary laýazymyna taǵaıyndaldy.

A. Zebeshev 1981 jyly Ońtústik Qazaqstan oblysynda dúnıege kelgen. 2003 jyly M. Áýezov atyndaǵy Ońtústik Qazaqstan memlekettik ýnıversıtetin «Halyqaralyq qatynastar» mamandyǵy boıynsha, 2006 jyly Qaztutynýodaǵy Qaraǵandy ekonomıkalyq ýnıversıtetin «Ekonomıka» mamandyǵy boıynsha támamdaǵan. 2014 jyly «Bolashaq» baǵdarlamasy boıynsha King’s College London ýnıversıtetin «Memlekettik basqarý» mamandyǵy boıynsha bitirgen, al 2019 jyly Warwick Business School (Ulybrıtanııa) oqý ornynda MBA dárejesin alǵan.

2003-2016 jyldary Ońtústik Qazaqstan oblysy ákiminiń apparatynda, QR Aýyl sharýashylyǵy mınıstrliginde, QR Syrtqy ister mınıstrliginde jáne QR Premer-Mınıstri Keńsesinde qyzmet atqarǵan. 2016-2019 jyldary «Samuryq-Qazyna» AQ qurylymdarynda basshylyq laýazymdarda jumys istegen, sondaı-aq QR Aýyl sharýashylyǵy mınıstriniń jáne QR Premer-Mınıstriniń orynbasarynyń keńesshisi bolǵan. 2019-2024 jyldary QR Syrtqy ister mınıstrliginiń Investıtsııalar komıtetinde qyzmet atqaryp, basqarma basshysynan komıtet tóraǵasyna deıingi eńbek jolynan ótken. 2024 jylǵy aqpanda Qyzylorda oblysy ákiminiń orynbasary bolyp taǵaıyndalyp, 2026 jylǵy maýsymda QR Syrtqy ister mınıstrliginiń Investıtsııalar komıtetiniń tóraǵasy bolyp taǵaıyndaldy. «Qurmet» ordenimen nagradtalǵan.

QR Úkimetiniń qaýlysymen Erjan Ertaev QR energetıka vıtse-mınıstri bolyp taǵaıyndaldy.

Erjan Erboluly 1985 jyly Pavlodar oblysynda dúnıege kelgen. Innovatsııalyq Eýrazııa ýnıversıtetin, Anhalt qoldanbaly ǵylymdar ýnıversıtetin bitirgen. Eńbek jolyn 2009 jyly jeke qurylymda elektr mehanıgi bolyp bastaǵan. 2009–2013 jyldary — Pavlodar oblysy Energetıka jáne turǵyn úı-kommýnaldyq sharýashylyq basqarmasynyń Energetıka bóliminiń jetekshi mamany, bas mamany bolǵan.

2013–2014 jyldary — QR Indýstrııa jáne jańa tehnologııalar mınıstrliginiń Memlekettik energetıkalyq qadaǵalaý men baqylaý komıteti basqarmasynyń bas sarapshysy, basshysy. 2015–2018 jyldary — QR Energetıka mınıstrliginiń Aqmola, Qaraǵandy oblystary boıynsha aýmaqtyq departamentteriniń basshysy. 2018–2020 jyldary — QR Energetıka mınıstrligi komıteti tóraǵasynyń orynbasary. 2020–2021 jyldary — Pavlodar oblysy Energetıka jáne TKSh basqarmasynyń basshysy. 2021–2022 jyldary — «Samuryq-energo» basqarma tóraǵasy apparatynyń basshysy. 2022–2023 jyldary — «Bolat Nurjanov atyndaǵy Ekibastuz GRES-1» JShS bas dırektory bolǵan.

2023–2024 jyldary — QR Energetıka mınıstrligi Atomdyq jáne energetıkalyq qadaǵalaý men baqylaý komıteti tóraǵasynyń orynbasary, 2024 jylǵy shildeden bastap qazirgi ýaqytqa deıin QR Energetıka mınıstrligi Memlekettik energetıkalyq qadaǵalaý men baqylaý komıtetiniń tóraǵasy qyzmetin atqarǵan.

QR sý resýrstary jáne ırrıgatsııa vıtse-mınıstri bolyp Arsen Jaqanbaev taǵaıyndaldy.

1988 jyly Almaty oblysynda dúnıege kelgen. Ál-Farabı atyndaǵy Qazaq ulttyq ýnıversıtetin, Qaztutynýodaǵy Qaraǵandy ekonomıkalyq ýnıversıtetin bitirgen.

Eńbek jolyn 2010 jyly «Aımaqtyq-gıdrogeologııalyq-melıoratıvtik ortalyq» memlekettik mekemesinde maman bolyp bastaǵan.

2012-2013 jyldary — «Qazsýshar» RMK Qyzylorda fılıalynda ınjener-jobalaýshy.

2013-2014 jyldary — Qaraǵandy q. «Sý resýrstaryn paıdalanýdy retteý jáne qorǵaý jónindegi Nura-Sarysý basseındik ınspektsııasy» RMK-de jetekshi maman.

2014-2017 jyldary — QR Qorshaǵan orta jáne sý resýrstary mınıstrligi (keıinnen Aýyl sharýashylyǵy mınıstrligi) Sý resýrstary komıtetiniń bas sarapshysy.

2017-2018 jyldary — QR Ulttyq ekonomıka mınıstrligi Bıýdjettik ınvestıtsııalar jáne MJÁ damytý departamenti basqarmasynyń bas sarapshysy.

2018 jyly — QR AShM Sý resýrstary komıtetiniń toptyq sý qubyrlaryn damytý basqarmasynyń basshysy.

2019 jyly — QR AShM Sý resýrstary komıteti Ekonomıka, bıýdjettik josparlaý jáne býhgalterlik esep basqarmasynyń basshysy.

2020-2021 jyldary — QR Ekologııa, geologııa jáne tabıǵı resýrstar mınıstrligi Sý resýrstary komıteti Sý resýrstaryn paıdalanýdy retteý basqarmasy basshysy.

2021-2023 jyldary — QR Ekologııa, geologııa jáne tabıǵı resýrstar mınıstrligi Transshekaralyq ózender departamentiniń dırektory.

2023 jyldyń shildesinen qarashaǵa deıin QR Ekologııa jáne tabıǵı resýrstar mınıstrligi Sý saıasaty departamentiniń dırektory.

2023 jyldyń qarashasynda QR SRIM Sý sharýashylyǵy komıtetiniń tóraǵasy bolyp taǵaıyndaldy.

Baýyrjan Moldaǵalıev QR Mádenıet jáne aqparat mınıstrligi apparatynyń basshysy boldy.

Ol 1989 jyly Jetisý oblysynda dúnıege kelgen. Ál-Farabı atyndaǵy Qazaq ulttyq ýnıversıtetin (bakalavrıat, magıstratýra, doktorantýra) bitirgen, fılosofııa doktory (PhD). Eńbek jolyn 2010 jyly Almaty qalasy dene shynyqtyrý jáne sport basqarmasynyń «№ 1 Olımpıadalyq rezervtegi mamandandyrylǵan balalar-jasóspirimder mektebi» MKQK memlekettik til aýdarmashysy bolyp bastaǵan.

2012–2013 jyldary — QR Bilim jáne ǵylym mınıstrligi «Fılosofııa jáne saıasattaný ınstıtýty» RMQK Farabıtaný jáne salystyrmaly zertteýler ortalyǵynyń ǵylymı qyzmetkeri. 2013–2016 jyldary — QR Bilim jáne ǵylym mınıstrligi «Fılosofııa, saıasattaný jáne dintaný ınstıtýty» RMQK fılosofııa bóliminiń ǵylymı qyzmetkeri. 2016–2017 jyldary — QR Investıtsııalar jáne damý mınıstrligi «Taldaý jáne aqparat ortalyǵy» RMK Medıa-taldaý jáne quqyqtyq baǵalaý basqarmasynda qoldanbaly áleýmettik tehnologııalar bóliminiń jetekshi sarapshysy bolǵan.

2017–2018 jyldary — QR Din isteri jáne azamattyq qoǵam mınıstrligi Taldaý jáne strategııalyq josparlaý departamenti Aqparattyq jumysty úılestirý basqarmasynyń bas sarapshysy. 2018–2019 jyldary — Prezıdent Ákimshiligi Basshysynyń hatshylyǵynda sarapshy. 2019–2022 jyldary — Prezıdent Ákimshiligi Basshysynyń hatshylyǵynda konsýltant. 2022–2023 jyldary — Prezıdent Ákimshiligi Іshki saıasat bólimi meńgerýshisiniń orynbasary. 2023–2026 jyldary — Prezıdent Ákimshiligi Qazaqstan halqy Assambleıasy hatshylyǵy meńgerýshisiniń orynbasary. 2026 jyldyń shildesinen bastap qazirgi ýaqytqa deıin QR Prezıdenti Ákimshiliginiń Іshki saıasat bólimi meńgerýshisiniń orynbasary bolyp qyzmet atqarǵan.