Bir aptada jol jaǵdaıyna qatysty 44 myńnan asa ótinim túsken
ASTANA. KAZINFORM — Ótken aptada 1403 baılanys ortalyǵy 44 myńnan astam ótinimdi óńdedi, dep habarlaıdy «QazAvtoJol» UK baspasóz qyzmeti.
2026 jylǵy 12-18 qańtar aralyǵynda 1403 baılanys ortalyǵynyń operatorlary respýblıkalyq joldarǵa qatysty 44 myńnan astam ótinimdi qabyldap, óńdedi. Júrgizýshiler kóbine joldarda qozǵalysqa shekteý bar-joǵy, buzylǵan kólikterdi súıreýge kómek kórsetý, aqyly joldardyń tólemi jáne basqa da mańyzdy máseleler boıynsha habarlasty.
— Azamattarǵa qolaıly ári jedel aqparat berý úshin ınteraktıvti daýystyq menıý (IVR) júıesi iske qosylǵan. Osy júıeniń kómegimen 13 386 ótinim operatorlardyń qatysýynsyz avtomatty túrde óńdelse, operatorlar 29 439 qońyraýǵa jaýap berdi. Sondaı-aq, messendjerler arqyly 1 269 ótinim qabyldandy. Respýblıkalyq joldarǵa qatysty eń kóp habarlamalar Túrkistan, Jambyl jáne Aqmola oblystarynan kelip tústi. Barlyq ótinimder reglamentke sáıkes ýaqtyly oryndaldy, — delingen kompanııa taratqan aqparatta.
«QazAvtoJol» ulttyq kompanııasy paıdalanýshylarǵa birneshe baılanys arnalaryn usynady:
— 1403 baılanys ortalyǵy;
— www.qaj.kz resmı ınternet-resýrsy;
— Telegram bot (@qazavtojolbot,@CallCenterQaj_bot) jáne WhatsApp messendjeri (+7 778 001 1403).
Budan buryn Májilis depýtaty jol sapasyna memlekettik baqylaýdy kúsheıtý kerek ekenin aıtqan edi.