Bir aptada ózbekstandyqtar 2,9 mln dollardyń gazy men elektr qýatyn zańsyz paıdalanǵan
TAShKENT. KAZINFORM — Ótken aptada Ózbekstanda gaz ben elektr energııasyn zańsyz paıdalanýdyń 92 faktisi anyqtaldy, dep habarlaıdy Kazinform agenttiginiń menshikti tilshisi.
«Ózenergoınspektsııanyń» aqparatyna sáıkes, qamtylyp otyrǵan aralyqta 1,8 mln tekshe metr kógildir otyn zańsyz paıdalanylyp, saldarynan 5,45 mlrd sým (shamamen $420 myń) zalal keldi.
Sonymen qatar elektr energııasy júıesine zańsyz qosylǵan turǵyndar memleketke 32,45 mlrd sým (shamamen $2,5 mln) shyǵyn keltirdi.
Anyqtalǵan faktiler negizinde 126 ákimshilik hattama toltyryldy. Tolyq mán-jaıdy anyqtaý úshin iske qatysty barlyq materıal quqyq qorǵaý organdaryna joldandy.
Eske salaıyq, byltyr gaz ben elektr energııasyn zańsyz paıdalanǵan ózbekstandyqtar memleketke $108 mln shyǵyn keltirgen edi.
Al bıyl qańtar-aqpan aralyǵynda ózbekstandyqtar 25 mln dollardyń gazyn zańsyz paıdalanǵan.
Sondaı-aq, bıyl Ózbekstanda elektr júıesine zańsyz qosylǵan maınıng ferma $138 myń shyǵyn keltirdi.
Qosa ketsek, Ózbekstan gaz óndirisin ulǵaıtý maqsatynda bıyl 15 ýchaskede geologııalyq barlaý júrgizbek.