Bir aptada 1403 baılanys ortalyǵyna 84 myńnan astam qońyraý tústi
ASTANA. KAZINFORM – 9-15 aqpan aralyǵynda 1403 baılanys ortalyǵy respýblıkalyq joldarǵa qatysty 84 myńnan astam ótinimdi qabyldap, óńdedi, dep habarlaıdy QazAvtoJol.
Júrgizýshiler negizinen joldarda qozǵalysqa shekteý bar-joǵy, buzylǵan kólikterdi súıreýge kómek kórsetý, aqyly joldardyń tólemi jáne ózge de mańyzdy máseleler boıynsha habarlasqan.
- Azamattarǵa jedel ári qolaıly aqparat berý úshin ınteraktıvti daýystyq menıý – IVR júıesi iske qosylǵan. Onyń kómegimen 40 608 ótinim operatorlardyń qatysýynsyz avtomatty túrde óńdeldi. Operatorlar 39 580 qońyraýǵa jaýap berse, messendjerler arqyly 2 031 ótinim qabyldandy, - delingen aqparatta.
Respýblıkalyq joldarǵa qatysty eń kóp habarlamalar Jambyl, Aqmola jáne Almaty oblystarynan túsken.
Barlyq ótinimder reglamentke sáıkes ýaqytyly oryndalǵan.
Ulttyq kompanııa paıdalanýshylarǵa birneshe baılanys arnasyn usynady: 1403 baılanys ortalyǵy, www.qaj.kz resmı ınternet-resýrsy, Telegram bottar (@qazavtojolbot, @CallCenterQaj_bot) jáne WhatsApp messendjeri (+7 778 001 1403).
Aıta keteıik, Almaty turǵyndaryna jer silkinisi týraly habarlama nege kelmegenin mynaý siltemeden oqı alasyz.