Biri anasyna, biri ulyna ómir syılady: Túrkistanda eki otbasynyń músheleri aýrýhanadan shyqty
TÚRKІSTAN. KAZINFORM — Túrkistan oblystyq klınıkalyq aýrýhanasynda eki otbasy úshin erekshe kún boldy. Bir kúnde baýyr jáne búırek transplantatsııasy jasalǵan eki naýqas emin sátti aıaqtap, úılerine shyǵaryldy.
Bir otbasynda 20 jyl buryn anasy ulyna ómir syılasa, bul joly uly baýyrynyń bir bóligin anasyna berip, onyń ómirin saqtap qaldy. Al ekinshi otbasynda anasy ulyna búıregin berip, balasyna ekinshi ret ómir syılady.
Kúrdeli baýyr transplantatsııasy A. N. Syzǵanov atyndaǵy Ulttyq ǵylymı hırýrgııa ortalyǵynyń basqarma tóraǵasy, professor, akademık Bolatbek Baımahanov bastaǵan joǵary bilikti mamandardyń qatysýymen sátti jasaldy.
— Bul — transplantologııanyń zamanaýı múmkindikteri men dárigerlerdiń kásibı sheberliginiń nátıjesi. Sonymen qatar otbasy músheleriniń bir-birine degen súıispenshiligi men janqııarlyǵynyń aıqyn kórinisi, — delingen Túrkistan oblysy densaýlyq saqtaý basqarmasy taratqan aqparatta.
Dárigerlerdiń aıtýynsha, mundaı kúrdeli otalardy júzege asyrýda hırýrgtermen qatar anestezıologtar, reanımatologtar, meıirgerler jáne basqa da medıtsına mamandarynyń eńbegi mańyzdy.
Osylaısha eki otbasy da emin sátti aıaqtap, aýrýhanadan úılerine shyǵaryldy.
Buǵan deıin Túrkistanda qaryndasy týǵan aǵasyna baýyryn berip, ómir syılaǵanyn jazǵan edik.
