Bir adam kóz jumdy: Aqtóbede jeńil kólik kólge batyp ketti

Aqtóbe oblysy Shalqar aýdanynda «VAZ-2110» jeńil kóligi Shalqar kóline batyp ketti. Avtokólik salonyndaǵy úsh adamnyń ekeýi jaǵaǵa óz kúshimen shyǵyp úlgergenimen, bireýiniń denesin qutqarýshylar tapty, dep habarlaıdy Kazinform.

Oqıǵa 8 qańtar kúni saǵat 15:52-de bolǵan. 

- 1980 jáne 1971 jyly týǵan eki adam óz kúshimen jaǵaǵa shyqty. Qutqarýshylar olardy jyljymaly ýaqytsha jylytý pýnktine ornalastyrdy. Ekeýi de medıtsınalyq kómekti qajet etpedi. Al, 1972 jyly týǵan úshinshi adam sýǵa batyp ketti. Qutqarýshylar jolaýshynyń denesin saǵat 17:45-te alyp shyqty. Olar qamys orýǵa shyqqan. Kól ústinen ótip bara jatqanda muz oıylyp ketken, - dep jazdy oblystyq TJD baspasóz qyzmeti.