BP Azerbaijan Kaspıı teńizinde jańa platforma salýdy josparlap otyr

ASTANA. KAZINFORM – Bul «Shahdenız» ken ornynyń jekelegen qabattarynan tómen qysymdy gazdy jınap, ony Sangachal termınalyna jetkizýge arnalǵan múlde jańa kompressorlyq platforma bolmaq, dep habarlaıdy Kazinform menshikti tilshisi.

Kompanııanyń málimetinshe, jańa platformanyń qurylys jobasy kelesi aptada kópshilik nazaryna usynylyp, aqpan aıynyń úshinshi aptasynda platformanyń qorshaǵan ortaǵa áserin baǵalaý esebi boıynsha qoǵamdyq tyńdaýlar ótedi.

- Qarjylandyrý týraly sońǵy sheshim (FID) osy jyly qabyldanady, - dep habarlady kompanııanyń baspasóz qyzmetinen.

Sondaı-aq, platforma adamnyń turaqty qatysýynsyz jumys isteıtini atap ótildi.

- Alpha jáne Bravo platformalarynan tómen qysymdy gaz osynda jınalyp, qysymdy arttyrǵannan keıin Sangachal termınalyna jiberiledi, - delingen habarlamada.

Bul rette platformanyń qurylysy mıllıardtaǵan ınvestıtsııany qajet etedi.

Osyǵan deıin Toqaev pen Embalo Bısaý porty men Transkaspıı dálizin ushtastyrý joldaryn zerdeleýge keliskeni týraly jazdyq.