Bozjyradaǵy týrıstik ortalyq shatqaldan 4 shaqyrym qashyqtyqta salynady
QR Prezıdenti Qasym-Jomart Toqaev Mańǵystaý oblysyndaǵy Bozjyra tabıǵı qoryǵynyń aýmaǵyna salynatyn vızıt-ortalyǵynyń jobasyn Úkimetke qaıta qaraýdy tapsyrǵan bolatyn.
Osyǵan oraı oblys basshylyǵy qoǵamdyq keńestiń, ekolog-sarapshylardyń pikirin eskere otyryp, ınvestorlarmen birlesip qonaq úı salý úshin jańa oryn qarastyrdy. Investorlardyń aıtýynsha, Bozjyra shatqalyndaǵy sapar-ortalyǵy Jabaıushqan qoryǵynyń aýmaǵynan tys, shatqaldyń «azý tisterinen « 4 shaqyrym qashyqtyqta salý josparlanýda. Bul bıiktikke 4 shaqyrymnan jaqyn eshqandaı qurylys tehnıkasy barmaıdy degen sóz. Jabaıushqan aýmaǵynda eshqandaı qurylys júrmeıdi.
Joba avtorlary, ınvestorlar men Qaraqııa aýdanynyń basshylary Senek aýylynyń turǵyndarymen kezdesip, jobany tanystyrdy. Aýyl aqsaqaldary usynys-pikirlerin bildirdi.
2021 jyldyń 5 aqpanynda aýdan ortalyǵynda «qorshaǵan ortaǵa áserdi baǵalaý» boıynsha taǵy da qoǵamdyq tyńdaýlar ótkizý josparlanyp otyr. Aıta ketý kerek, ınfraqurylym júrgizý úshin ınvestor tek «jasyl» tehnologııalardy qoldanatyn bolady. Týrıstik nysandy qurýdyń arqasynda 200-den astam jergilikti turǵyn turaqty jumyspen qamtylady dep kútilýde.
Buǵan deıin Mańǵystaý oblysynyń ákimi Serikbaı Trumov «Bozjyra» qoǵam men mamandardyń oı-pikiri eskerile otyryp júzege asyrylatynyn aıtty.
Sondaı-aq, qoǵamda qyzý talqylanǵan qurylys jaıynda Mádenıet jáne sport mınıstri de pikir bildirdi.
