Bozjyra Ústirt qoryǵy aýmaǵyna kire me – mınıstrdiń jaýaby

NUR-SULTAN. QazAqparat – Bozjyra Ústirt qoryǵyna engizile me? Bul suraqqa Ekologııa, geologııa jáne tabıǵı resýrstar mınıstri Maǵzum Myrzaǵalıev Ortalyq kommýnıkatsııalar qyzmetindegi baspasóz máslıhatynda jaýap berdi, dep habarlaıdy QazAqparat tilshisi.

«Ústirt qoryǵy aýmaǵyn keńeıtý úshin zoologtar, bıologtar men ekologtar jan-jaqty jumys júrgizý kerek. Ol úshin salmaqty negiz daıyndalýy tıis. Ázirge Bozjyrany Ústirt qoryǵyna engizemiz dep aıta almaımyn. Jumysty zertteý nysanasy turǵysynan tyńǵylyqty júrgizý kerek. Taǵy da aıtar bolsam, ázirge jospar joq, sebebi kez kelgen keńeıtý jumysy negizdi talap etedi», - dedi Maǵzum Myrzaǵalıev OKQ-da ótken baspasóz máslıhatynda.

Bozjyra shatqalyndaǵy qonaq úı qurylysy týraly da suraq qoıyldy. Maǵzum Myrzaǵalıev atalmysh máselege birjolata núkte qoıylǵanyn, ınvestor ony basqa jerde salýǵa kelisim bergenin eske saldy.

«Haıptyń bári qaıdan shyqty? Naqty ýchaskege bekitilmegen eskız-jobadan tarap otyr. Sol sebepti bul máselege sýyq aqylmen kelgen jón eji. Pikirtalas toqtamaǵannan keıin biz aýmaqtyq organdardyń ókilderimen jan-janýarlar júretin aýmaqty, áleýetti júktemeni zerttep, ınvestormen de osy máseleni talqyladyq. Sosyn Jabaıyushqan qoryǵynan ketý týraly usynys joldadyq. Aqyry ınvestor ol usynysqa qulaq asty da, máselege núkte qoıyldy», - dedi mınıstr.