Bozymbaev jaryq úshin aqsha tólemeı jatqan boryshkerlerdi atady

ASTANA. QazAqparat - Mınıstrdiń sózine qaraǵanda, jylý maýsymy bastalǵaly beri bir jarym aıdyń ishinde bir ǵana "QazTransGaz Aımaq" kásiporny aldyndaǵy energııa shyǵarýshy kompanııalardyń qaryzy 9,3 mlrd. teńgeni qurady, dep xabarlaıdy QazAqparat tilshisi.

"Eń kóp qaryzy barlardyń ishinde MAEK-Qazatomónerkásip - 5,3 mlrd. teńge, "Energoortalyq Shymkent" kásiporny - 1,5 mlrd. teńge, Almaty jylýkommýnenergo - 839 mln. teńge, Jaıyq jylýenergo - 680 mln. teńge jáne Qyzylorda jylýenergo - 614 mln. teńge", - dedi Q.Bozymbaev Úkimettiń búgingi otyrysynda.

Onyń aıtýynsha, "Bogatyr kómir" kompanııasy aldyndaǵy energııa óndirýshilerdiń qaryzy da bir mıllıardqa jýyqtaıdy. Kómir úshin boryshker bolyp otyrǵandardyń úshtigine Ekibastuzdyń JES-2, Pavlodarenergo men Astanaenergo endi.

"Aldaǵy ýaqytta otyndy jetkizý jaǵynan qıyndyqtar týyndamas úshin Mańǵystaý, Ońtústik Qazaqtan, Qyzylorda, Aqtóbe, Pavlodar, Soltústik Qazaqstan men Batys Qazaqstan oblystarynyń ákimdikteri óz qaryzdaryn óteýi tıis", - dep atap kórsetti mınıstr.