Bozymbaev janarmaı baǵasyna qatysty pikir bildirdi

ASTANA. QazAqparat - Ulttyq bank benzın baǵasynyń kúrt qymbattaýyn kelesi jylda bolatyn qaýip-qaterlerdiń biri retinde qarastyryp otyr. Atalǵan faktor eldiń makroekonomıkalyq jaǵdaıyna óz áserin tıgizýi ábden múmkin. Búgin Úkimet otyrysynan keıingi baspasóz máslıxatynda QR Energetıka mınıstri Qanat Bozymbaev atalǵan boljamǵa qatysty óz oıyn jetkizdi, dep xabarlaıdy QazAqparat tilshisi.

«Shynymdy aıtsam, men de Aqyshev myrzanyń (Ulttyq bank tóraǵasy - avt.) osy pikirin oqyǵan edim. Biraq ol oıdyń ózegin, pikirdiń negizin túsinbeı otyrmyn. Biz benzın baǵasynan buryn teńgeniń baǵamyna alańdap otyramyz», - dedi Q.Bozymbaev.

Al «Jalpy, qazaqstandyqtar aldaǵy jyldy qalaı qarsy alýy kerek? Sizde qandaı da bir boljam bar ma?» degen suraqqa mınıstr: «Qazaqstandyqtar 2018 jyldy jaqsy kóńil-kúımen qarsy alýy kerek dep oılaımyn», - dep qysqa ǵana qaıyrdy.

Aıta keteıik, bıyl Qazaqstan munaıdy óndirý kólemin artyǵymen oryndap shyqty.