Bozymbaev sharýalarǵa jetkiziletin dızeldik otynnyń baǵasyn jarııalady
Onyń aıtýynsha, kóktemgi egistik jumystaryna jalpy 375 myń tonna dızeldik otyndy jekizý josparlanǵan. Búginde arnaıy keste bekitildi. Oǵan sáıkes, naýryz aıyndaǵy josparda bolǵan 148 myń tonnanyń 127 myń tonnasy aımaqtarǵa jóneltildi. Al sáýir aıyndaǵy 106 myń tonnadan 9,2 myń tonna dızel sharýalarǵa jiberilip otyr. «Bıylǵy kóktemgi egis jumystaryn ótkizý úshin dızeldik otyn tonnasynyń baǵasy 127 myń teńge. Bir lıtri 105,4 teńgeden. Tasymaldaý, saqtaý jáne jetkizý shyǵyndaryn esepke alǵanda dızel otynnyń baǵasy lıtrine 117-126 teńgeni qurap otyr. Mamyr aıynan bastap baǵalar ózgerýi múmkin. Sondyqtan osy múmkindikti paıdalanyp, oblys ákimderine bir ótinish aıtqym kelip otyr, bul máseleni qatań baqylaýǵa alyp, tıisti sharalardy qabyldaý kerek», - dep atap kórsetti Bozymbaev Úkimettiń búgingi otyrysynda.
