Bozymbaev munaıdy qaıta óńdeý kólemi nelikten jospardan qalyp jatqanyn túsindirdi
«Osy jyldyń 7 aıynyń qorytyndysy boıynsha munaıdy qaıta óńdeý kólemi 9,58 mln tonnany qurady. Bul ótken jyldyń tıisti kezeńimen salystyrǵanda 3,1 paıyzdyq ósimdi kórsetip otyr. Biraq, josparly kórsetkishke 1,2 paıyzǵa jete almadyq. Onyń sebepteri bar. Ózińiz biletindeı, aǵymdaǵy jyldyń basynda benzın eksporty toqtap, munaı-óńdeý zaýyttarynyń benzın rezervýarlary tolyp qalýyna baılanysty bolǵan. Bıyl maýsym aıynan bastap benzın eksporty bastalyp, munaı-óńdeý zaýyttary tolyqqandy jumys istep jatyr. Belgilengen jospardy jyl sońyna deıin oryndaımyz dep otyrmyz», - dedi Qanat Bozymbaev Úkimet otyrysynda.
Mınıstrdiń aıtýyna qaraǵanda, munaı óndirý kólemi boıynsha eshqandaı qıyndyq joq.
«Munaı óndirý salasynda josparly kórsetkishten qaraǵanda qarqyn 11,2 paıyzdan joǵary. Bıyl 100 paıyz oryndaımyz dep kútilýde», - dedi Qanat Bozymbaev.
