Bozymbaev munaı dáýiriniń aıaqtalýyn boljady
«Ózderińiz bilesizder, 2030-2040 jyldary Batys Eýropa elderi men Qytaı elektromobılderge kóshetindigin aıtýda. Sondyqtan aldaǵy 20 jylda janar-jaǵarmaı retindegi óńdelgen munaı óz baǵasyn aqtamaıdy. Al biz dál sol kezeńde 100 mıllıon tonnadan astam munaıdy óndiretin bolamyz. Baǵa tıimsiz bolsa, onda ol ónimdi qaı jaqqa jiberemiz? Eń bastysy Prezıdentimiz ben Úkimetimizdiń tapsyrmasyna sáıkes, munaı jáne gaz-hımııa salasyn damytatyn bolamyz», - dedi Bozymbaev.
Onyń aıtýynsha, qazirdiń ózinde bul baǵytta jumystar júrgizilý ústinde. Atyraý oblysynda tıisti ekonomıkalyq aımaq damytylýda. Atalǵan aımaqtyń ınfraqurylymyn «Samuruq-Qazyna» ál-aýqat qory ázirleý ústinde.
«Oǵan 300 mıllıardtan astam qarjy salyndy. Temirjol, sýmen qamtamasyz etý, elektr jabdyqtaryn qamtamasyz etý jáne tıisti elektrostansa salý jumystary atqarylýda. Al ol jerde qandaı jobalardy júzege asyramyz? Birinshiden, polıpropılen shyǵaratyn zaýyt salynady. Oǵan 2,5 mıllıardtan astam ınvestıtsııa salynatyn bolady. Investıtsııa Qytaı banki tarapynan keledi. Bıyl bári durys bolsa «Samuryq-Qazynaǵa» qarasty kompanııa sol jumystardy bastaıdy. Kelesi jylda polıetılen dep atalatyn taǵy bir úlken jobany júzege asyrý jobamyzda bar. Ony dúnıejúzindegi eń iri 4 kompanııanyń qataryna kiretin avstrııalyq kompanııasymen birge júzege asyramyz dep josparlaýdamyz. Aldyn ala kelisim bar. Kelesi jyldyń naýryz aıynda tıisti sheshim qabyldaıtyn bolamyz. Jobanyń jalpy somasy 6,5 mlrd dollardan astam», - dedi Qanat Bozymbaev.
Sonymen qatar mınıstrdiń dereginshe, Atyraý arnaıy ekonomıkalyq aımaǵynda júzege asyrylýy múmkin 5-6 joba ázirlenýde. Qazirgi ýaqytta olarǵa ınvestor izdeý jumystary júrgizilip jatyr.
