Bozymbaev qazaqstandyqtardyń OPEK-ke qyzyǵýshylyǵy artqanyna tań qaldy
«Qazaqstanda OPEK-ke qyzyǵýshylyq óte belsendi bolyp tur. Bul munaıdyń barreli 30 dollarǵa deıin quldyraǵan soń shyǵar. Barlyq qazaqstandyqtar OPEK-tiń ne ekendigin, shekteýdi jáne biz kúnine qansha barrel óndire alatyndyǵymyzdy bildi», - dep atap ótti mınıstr.
Ol Venada ótken OPEK elderiniń jáne oǵan kirmeıtin elderdiń kezdesýinde munaı óndirý ósimin toqtatý týraly buǵan deıingi qujatty 2018 jyldyń 1 sáýirine deıin, 9 aıǵa uzartý týraly kelisimge qol qoıylǵanyn atap ótti.
«Sondyqtan biz buǵan deıingi 6 aıǵa alǵan mindettemeni 1 shildege deıin oryndaýǵa, odan keıin dál osy deńgeıdi keminde osy jyldyń ishinde saqtaýǵa tıispiz. Biz barlyq munaı óndirýshi elder sııaqty munaı baǵasynyń 30 dollar deńgeıinde bolmaýyna múddelimiz. Esterińizde bolsa, ótken jyldyń birinshi toqsanyn barreline 30 dollarmen aıaqtaǵan edik. Qabyldanǵan sharalardyń jáne atalǵan kelisimge qol qoıýdyń arqasynda osy jyldyń birinshi toqsanynda munaı óńdeýshi kompanııalar Brent markaly munaıdyń bir barrelin 52 dollardan satty. Búginde baǵa 51-52 dollar deńgeıinde tur. Menińshe, qol qoıylǵan kelisim óziniń tıimdiligin kórsetip otyr. Qazaqstan múmkindiginshe jáne qajettiligine oraı óz mindettemelerin oryndaıtyn bolady», - dedi Bozymbaev.
