Bozymbaev Qazaqstan munaı eksporty qashan 12 mln tonnaǵa jetetinin aıtty

NUR-SULTAN. QazAqparat - 2023 jyldan bastap Qazaqstannyń munaı eksporty jylyna 12 mln tonnaǵa artatyn bolady. Bul týraly búgin elordada ótip jatqan XII Kazenergy Eýrazııalyq forýmy aıasynda uıymdastyrylǵan baspasóz máslıhatynda QR Energetıka mınıstri Qanat Bozymbaev aıtty, dep habarlaıdy QazAqparat tilshisi.

«Jalpy aıtqanda, eksport kólemi aldaǵy 2-3 jyldyń ishinde turaqty bolady. 2023 jyldan bastap eksport kólemi jylyna 10-12 mln tonnaǵa ósedi. Bul eń bastysy Teńiz munaı ken ornymen baılanysty. Qazir osy ken ornynda úlken ınvestıtsııalyq joba jalǵasyp jatyr. 38 mlrd AQSh dollaryndaı ınvestıtsııa salynyp, ıgerilýde», - dedi ol.

Mınıstrdiń atap ótýinshe, Teńiz ken ornyndaǵy ınvestıtsııalyq jobalardyń arqasynda 2023 jylǵa qaraı munaı eksporty jylyna 12 mln tonnaǵa ósedi Sebebi atalaǵan ken ornynan óndirilgen munaıdyń basym bóligi eksportqa shyǵarylady.

«Munan bólek kelesi múmkindik Qashaǵanǵa baılanysty bolady. Bul ken ornynyń múmkinshiligi de birtindep ósedi», - dedi Qanat Bozymbaev.