Bozymbaev Qarashyǵanaq daýy týraly: Mámilege kele bastadyq
«Qazir belsendi túrde kelissózder júrgizýdemiz. (...) Sonymen birge, osy aptada meniń orynbasarym men Qarashyǵanaq aktsıonerleriniń kezekti kelissózder raýndy bastalady. Jalpy alǵanda, daýdy retteýdiń tásilderin taptyq, endi mehanızmderin jetildirýimiz kerek. Eki tarap ta kelisimge kelýge múddeli, mámilege kele bastadyq deýge bolady», - dep jaýap berdi QR Energetıka mınıstri Qanat Bozymbaev Úkimet úıinde ótken baspasóz máslıhatynda jýrnalıster suraǵyna.
Ol 2018 jyldyń 1 toqsanynyń sońyna deıin bekitilgen qoldanystaǵy memorandýmnyń uzartylǵanyn eske saldy.
Buǵan deıin BAQ-ta Qazaqstannyń Qarashyǵanaq ken ornynan alyp munaı-gaz kondensatyn óńdeıtin BG Group Plc jáne Eni SpA kompanııalarynyń basshylyǵyndaǵy konsortsıýmǵa qarsy 1,6 mlrd AQSh dollary somasyna talap aryz jazǵany habarlanǵan edi. Qazaqstan bıligi men konsortsıým arasynda tabys úlesin esepteý boıynsha daý týyndaǵan. 2016 jyldyń shilde aıynda Energetıka mınıstri Qanat Bozymbaev «Qarashyǵanaq Petrolıým Opereıtıng» aktsıonerlerimen dostyq sıpatta kelissózder júrgizip jatqanyn málimdedi. Qazaqstannyń arbıtrajǵa júginýge nıetti ekendigi týraly aqparatty teriske shyǵardy.
