Bozymbaev halyqty energııamen qamtamasyz etýdegi kedergilerdi atady
Bul týraly búgin Úkimet otyrysynda QR Energetıka mınıstri Qanat Bozymbaev málim etti.
«Energııa kásiporyndaryndaǵy jóndeý jumystaryn oıdaǵydaı júrgizýge jáne tutynýshylardy energııa kózderimen turaqty qamtamasyz etýge kedergi bolyp otyrǵan negizgi sebepterdiń biri otynǵa debıtorlyq bereshektiń kóp bolýy. Mysaly, qyrkúıektiń ortasyna energııa óndirýshi uıymdardyń «QazTransGaz-Aımaq» AQ aldyndaǵy shilde aıyna deıingi bereshegi 7 471 mln.teńgeni quraıdy»,- dedi ol.
Mınıstrdiń aıtýynsha, onyń ishinde «MAEK-Kazatomprom» JShS - 3 584 mln. teńge, «Energoortalyq-3» AQ 1 686 mln. teńge, «Qyzylordateploelektrotsentr» GKP - 1 073 mln. teńge, «Jaıyqjylýenergo» AQ 466 mln. teńge, «Almatyteplokommýnenergo» JShS, - 457 mln. teńge, «Aqtóbe jylý elektr ortalyǵy» - 205 mln. teńge qaryz.
«Energııa óndirýshi uıymdardyń «Bogatyr Kómir» AQ aldyndaǵy qaryzy 461 mln.teńgeni quraıdy. Onyń ishinde: «Sevkazenergo» AQ - 250 mln. teńge, «Astana-Energııa» AQ - 177 mln. teńge, «Ekibastuz GRES-2» - 34 mln. teńge. «Pavlodarenergo» aktsıonerlik qoǵamynyń «Vostochnyı» AQ «EEK» aldyndaǵy bereshegi - 536 mln. teńgeni qurap otyr», - dedi Q.Bozymbaev.
