Bozymbaev: Aldaǵy 7 jylda Qazaqstanda AES salynbaıdy
ASTANA. QazAqparat - Aldaǵy jeti jylda Qazaqstanda atom elektr stansasynyń qurylysy qarastyrylyp otyrǵan joq. Bul týraly búgin Parlament Májilisindegi jalpy otyrystan keıin QR Energetıka mınıstri Qanat Bozymbaev málim etti, dep habarlaıdy QazAqparat.
«Ózderińiz bilesizder, búginde Qazaqstanda elektr energııasynyń profıtsıti qalyptasyp otyr. Osy rette jazda 5 myń megavat, al qysqy júktemede shamamen 3,5 myń megavatqa jetedi»,-dedi mınıstr.
Onyń sózine qaraǵanda, uzaq merzimdi balans ǵylymı ınstıtýtpen, KEGOK-pen ázirlenip, QR Energetıka mınıstrligimen bekitilgen jáne ol jeti jyldyq boljamǵa negizdelgen.
«Jeti jyldyq kezeńde biz tapshylyq baıqalmaıdy degen tujyrymdamyz. Sondyqtan da atalǵan kezeńde atom stansasy sekildi qandaı da bir jańa qýattardy kórip otyrǵamyz joq»,-dep atap ótti Q. Bozymbaev.
Aıta keteıik, sońǵy birneshe jyldan beri Qazaqstan atom elektr stansasyn salý taqyryby qyzý talqylanyp keledi. Alaıda, bul stansa qaı ýaqytta salynatyndyǵy týraly naqty sheshim jasalǵan joq.
