Bozshakól ken orny jobasynyń tehnıkalyq-ekonomıkalyq negizdemesin jasaý aıaqtaldy

ALMATY. 18 qarasha. QazAqparat /Erlik Erjanuly/ - Qazaqmys toby álemdegi eń iri mys jobalarynyń biri bolyp tabylatyn Pavlodar oblysyndaǵy Bozshakól ken orny jobasynyń tehnıkalyq-ekonomıkalyq negizdemesin aıaqtaǵany týraly málim etti.

Bul negizdemeniń negizinde endi ken ornynda burǵylaý jumystary júrip jatyr. Ol aıaqtalǵan kezde kompanııa Bozshakóldegi altyn qory týraly qosymsha derekterge ıe bolmaq. Burǵylaý jumystary 2011 jyldyń alǵashqy jartysynda, al tekserilgen tehnıkalyq-ekonomıkalyq negizdeme 4-toqsanda jarııalanady dep josparlanýda.

Jalpy Bozshakól jobasynyń tehnıkalyq-ekonomıkalyq negizdemesin merdigerlik Aker Solutions uıymy jasady. Olar sondaı-aq, ken ornyndaǵy negizgi ınjenerlik jumystardy da júrgizetin bolady. Ol kelesi jyly aıaqtalmaq. Qazirgi tańda quny 90 mıllıon dollarǵa jýyq qural-jabdyqtarǵa tapsyrystar berildi. Onda alǵashqy ken 2015 jyldyń aıaǵynda alynbaq.