«Bozoq» ulttyq parkine arnalǵan jańartylǵan tujyrymdama bekitildi
ASTANA. KAZINFORM – Atalmysh qujat elordada «Bozoq Joshy ulysy dáýiriniń murasy kontekstinde: mýzeı keńistigindegi reprezentatsııa máseleleri» atty halyqaralyq ǵylymı-praktıkalyq konferentsııa barysynda qabyldandy, dep habarlaıdy QR Mádenıet jáne aqparat mınıstrliginiń baspasóz qyzmetine silteme jasap.
Konferentsııaǵa Qazaqstan, Reseı, Ózbekstan, Mysyr, Ulybrıtanııa, Irlandııa jáne Týnıs elderiniń ókilderi qatysty. Ǵalymdar Joshy ulysy kezeńindegi tarıhı-mádenı muranyń mańyzdy aspektilerin talqylap, qypshaqtardyń Mysyrdaǵy saıası jáne áskerı tarıhqa qosqan úlesi týraly zertteýler týraly baıandady.
Sondaı-aq Altyn Orda men Noǵaı Ordasynyń Deshti-Qypshaqtaǵy mádenı jáne saıası tarıhyndaǵy izderi, sondaı-aq Joshy urpaqtarynyń Horezmde memlekettilik damýyna qosqan róli qarastyryldy.
Іs-shara aıasynda qatysýshylar «Bozoq» ulttyq parkine arnalǵan jańartylǵan tujyrymdamany bekitti.
- Qabyldanǵan rezolıýtsııa «Bozoq» tarıhı-mádenı jobasynyń jańartylǵan tujyrymdamasyn Eýrazııadaǵy dala órkenıeti murasyn saqtaý men nasıhattaý baǵytyndaǵy strategııalyq qadam retinde bekitti, - delingen habarlamada.
Osyǵan deıin «Bozoq» qalashyǵynyń qoryq-mýzeıin salý jumystary qalaı júrip jatqany týraly jazǵan edik.