«Bozoq» mýzeı-qoryǵynda dástúrli tusaýkeser rásimi ótti
NUR-SULTAN. QazAqparat – «Bozoq» memlekettik tarıhı-mádenı mýzeı-qoryǵy Naýryz merekesine arnalǵan «Áz-Naýryz meıram tolqyny, jasampazdyq bastaýy, yrys bereke arqaýy» etnografııalyq merekesin ótkizdi. Oǵan jetekshi otandyq ǵalymdar men Aqmola oblysy Tselınograd aýdanynyń mádenıet jáne tilderdi damytý bóliminiń ókilderi qatysty, dep habarlaıdy QazAqparat.
Merekelik jıynda balanyń alǵashqy qadamdarymen baılanysty «Tusaýkeser» salt-dástúri ótkizildi.
«Qazaqstan Respýblıkasynyń Prezıdenti Qasym-Jomart Toqaev óziniń qazaqstandyqtarǵa arnaǵan jańa jyldyq Joldaýynda 2022 jyl – balalar jyly dep jarııalady. Memleket basshysy balalarǵa erekshe nazar aýdarý kerektigin atap ótti. Olardyń ál-aýqaty – memleketimizdiń kemel bolashaǵynyń senimdi kepili. Tusaý kesetin adamnyń áreketi jeńil, jyldam bolýy mańyzdy. Shaqyrylǵan qonaqtar arasynda eń qurmetti, jas, densaýlyǵy myqty, ádemi, jigerli jáne qurmetti adamdar tańdaldy», - dep jazylǵan mýzeı-qoryqtyń habarlamasynda.
L.N.Gýmılev atyndaǵy EUÝ arheologııa jáne etnologııa kafedrasynyń meńgerýshisi, t. ǵ. k., dotsent Ulan Úmitqalıev jáne Á. Marǵulan atyndaǵy Arheologııa ınstıtýty fılıalynyń jetekshi ǵylymı qyzmetkeri Serǵazy Sákenov Ámir jáne Farabı esimdi balalardyń tusaýyn kesti.
«Balalardyń aldyna dombyra, kitap, aqsha, oıynshyq jáne kiltter qoıyldy. Sondaı-aq, «Jol tańdaý» rásimi, ómirlik baǵdardy tańdaý ótkizildi. Dombyrany tańdaý – adamnyń shyǵarmashylyqqa beıim bolatynyn, al kitap – bilim, aqyldy, aqsha – órkendeýdi jáne kiltter – ál-aýqatty bildiredi.
Ulan Úmitqalıuly balalardyń ómirleri alǵashqy qadamdardan bastap jaqsy bolsyn dep bata berdi.
