Bozymbaev bolashaq mansaby jóninde: óńirlerde úsh ret ákim boldym, jastarǵa jol berý kerek
ASTANA. KAZINFORM — Premer-mınıstrdiń orynbasary Qanat Bozymbaev Alataý qalasyn basqarýy múmkin mamandarǵa qatysty pikir aıtty.
Búgin Parlament palatalarynyń birlesken otyrysynan keıingi baspasóz máslıhatynda: «Qanat Aldabergenuly, Alataý qalasyndaǵy jobalardyń basy-qasynda júrsiz. Bolashaqta osy Alatau city „aqyldy qalanyń“ ákimi bolýyńyz múmkin be?» degen suraq qoıyldy.
Óz kezeginde Q. Bozymbaev mundaı boljamnan habarsyz ekenin aıtty.
— Men osyǵan deıin óńirlerde úsh ret ákim boldym. Jalpy, jastarǵa jol berý kerek dep sanaımyn, — dedi Premer-mınıstrdiń orynbasary.
Budan buryn habarlanǵandaı, búgin elordada Parlament palatalarynyń birlesken otyrysy ótip, «Alataý qalasynyń arnaýly mártebesi týraly» Qazaqstan Respýblıkasy Konstıtýtsııalyq zańynyń jobasy qaraldy.
Talqylaýdan keıin depýtattar bul qujatty birinshi oqylymda maquldady.
