Bozymbaev Azııa damý bankimen sý jáne energetıka salasyndaǵy jobalardy pysyqtady
ASTANA. KAZINFORM — Qanat Bozymbaev pen Azııa damý banki basshylyǵy Qazaqstandaǵy ınvestıtsııalyq jobalardyń iske asyrylýyn talqylady, dep habarlaıdy Úkimettiń baspasóz qyzmeti.
Premer-mınıstrdiń orynbasary Qanat Bozymbaev Azııa damý bankiniń Ortalyq jáne Batys Azııa óńiri boıynsha Bas dırektory Leıa Gýterrespen kezdesti.
Kezdesý barysynda sýmen jabdyqtaý, sý burý, energetıkalyq júıege kóshý, apattyq táýekelderdi saqtandyrý jáne basqa da baǵyttar boıynsha ınvestıtsııalyq jobalar talqylandy.
Sý resýrstary jáne ırrıgatsııa mınıstrligi ADB-men birlesip Aqmola oblysyndaǵy Esil ózeninde Esil kontrrettegishin salýdy qarjylandyrý máselelerin pysyqtap jatyr.
Sondaı-aq Jezqazǵan, Sátbaev, Stepnogorsk jáne Balqash qalalarynda káriz-tazartý nysandaryn iske asyrý boıynsha birlesken jumys jalǵasyp jatyr.
Sonymen qatar Bank ókilderi energetıka jáne kommýnaldyq sektorlardy jańǵyrtýǵa baǵyttalǵan Ulttyq jobaǵa qatysýǵa qyzyǵýshylyq tanytty.
Taraptar uzaq merzimdi seriktestiktiń perspektıvalaryn joǵary baǵalap, ári qaraıǵy nátıjeli yntymaqtastyqqa úmit bildirdi.
Budan buryn Bozymbaev óńirler arasyndaǵy ınfraqurylymdyq alshaqtyqty qysqartatyn sharalardy atady.