Bojko: Kontrafakt kesirinen qazaqstandyq jumyrtqa óndirýshiler shyǵynǵa ushyraıdy
ASTANA. QazAqparat - Jazdygúni Reseıden kontrafaktimen keletin jumyrtqanyń kóptiginen qazaqstandyq jumyrtqa óndirýshiler shyǵynǵa batady. Bul týraly Tselınograd aýdanynyń ortalyǵy Aqmol aýylynda BAQ ókilderine Qazaqstan jumyrtqa óndirýshiler qaýymdastyǵynyń prezıdenti Maksım Bojko aıtyp berdi, dep habarlaıdy «QazAqparat» HAA tilshisi.
«Jazda baǵalar ózindik qunynan tómen qulap ketedi. ıAǵnı, biz shyǵyn úshin jumys isteımiz. Dál osy ýaqytta Reseıden bizdiń naryqqa asa kóp mólsherde kontrafaktilik jumyrtqa kirgizile bastaıdy. Ol jumyrtqalar úshin eshkim qosylǵan qun salyǵyn (QQS) tólemeıdi. Demek, biz memleket tarapy Qazaqstanǵa enip jatqan azyq-túlik ónimderine baqylaý júrgizgenin qalaımyz. Ol úshin tehnıkalyq reglament, sanıtarlyq baqylaý, veterınarlyq máselelerdi baqylaý jumysy bir ǵana Aýyl sharýashylyǵy mınıstrliginde bolsa deımiz», - deıdi ol. 
Maksım Bojkonyń aıtýynsha, atalǵan jumystardyń jartysy Aýyl sharýashylyǵy, jartysy Densaýlyq saqtaý mınıstrliginde.
«Elge keletin ónimderdiń sapasyn baqylaıtyn memlekettik qyzmetterge degen bizdiń suraqtarymyz qordalanyp qaldy. Máselen, sýmen ınjektorlanǵan qus eti engizilýde. Ol qus eti tońazytqyshtan shyǵyp, kepkennen keıin salmaǵynyń 20-30 paıyzy joǵalady, ıaǵnı sý «keýip» ketedi. Qazaqstandyq qus etin óndirýshiler mundaı burmalaýmen aınalyspaıdy. Biz tek qana aýa arqyly qus etin qatyramyz», - deıdi Bojko.
Aıta ketsek, búgin QR Premer-Mınıstriniń orynbasary - Aýyl sharýashylyǵy mınıstri Ómirzaq Shókeev Tselınograd aýdanyndaǵy «Rodına AF» JShS-da boldy. Sonymen birge, mınıstr Tselınograd aýdanynyń ákimdiginde aýyl sharýashylyǵy kásiporyndarynyń basshylarymen salanyń ózekti máselelerin talqylady.
