Bojko Baıqońyrda oba indetiniń tabylýy jaǵdaıyna pikir bildirdi

ASTANA. QazAqparat - Parlament Májilisi tóraǵasynyń orynbasary Vladımır Bojko Baıqońyr tóńireginde oba indetine baılanysty habarlamaǵa qatta alańdamaýǵa shaqyrdy, dep habarlaıdy QazAqparat.

«Burynǵy Tótenshe jaǵdaılar mınıstri retinde aıtarym, osyndaı jaǵdaılarǵa bizde áreket etý sharalary júzege asyrylady. Atalǵan ýchaskeni shuǵyl oqshaýlaý qadamdary atqarylyp, halyqtyń densaýlyq jaǵdaı tekserilip, turǵyndardy vaktsınalaý júrgiziledi. Osy júıeli jumystar mindetti túrde iske asyrylyp, barlyǵy tıisti deńgeıde jasalady. Sondyqtan qatty alańdaýdyń reti joq»,-dedi Bojko Parlament palatalarynyń birlesken otyrysynan keıin.

Osy oraıda ol bul baǵyttaǵy jumystar jetkilikti deńgeıde pysyqtalǵanyn jáne atalǵan oqıǵadan kúrdeli saldar bolmaıtynyn jetkizdi.

Budan buryn habarlanǵandaı ,  Baıqońyr tóńireginde oba indeti tabyldy. Asa qaýipti juqpaly aýrý oryn alǵan jaǵdaı týraly qala ákimshiliginiń resmı saıtynan málim boldy.