Bojko Bas prokýratýradan bıznesmendermen órt ınspektorlarynyń kezdesýlerin tekserýge jatqyzbaýdy surady

ASTANA. QazAqparat - QR Tótenshe jaǵdaı mınıstri Vladımır Bojko Bas prokýratýradan bıznesmendermen órt ınspektorlarynyń túsindirý kezdesýlerin tekserý júrgizý sanatyna jatqyzbaýdy surady. Bul týraly búgin vedomstvo basshysy Astanada Zańdylyqty, quqyqtyq tártipti jáne qylmysqa qarsy kúresti qamtamasyz etý jónindegi Úılestirý Keńesiniń otyrysynda aıtty.

Onyń sózine qaraǵanda, oblystar boıynsha TJD basshylaryna tilsiz jaýdyń aldyn alý boıynsha kásipkerlermen ádistemelik jumystardy kúsheıtý tapsyryldy. Osy oraıda bıznesmenderge qaýipsizdik erejeleri boıynsha kitapshalar taratylyp, «dóńgelek ústelderdi» ótkizý eskerilgen. «Osy oraıda Bas prokýratýra apparatyn osyndaı túsindirý kezdesýlerin tekserýge jatqyzbaý týraly bizdiń usynysymyzdy qoldaýdy suraımyn. Atap aıtqanda, nysanmen tanysqannan keıin bınesmenderge eshbir sanktsııalar men shekteýlersiz qaýipsizdikti qamtamasyz etý boıynsha usynystar jasalady», -dedi V. Bojko Bas prokýror Ashat Daýylbaevqa qaratyp aıtqan sózinde. Bul turǵyda mınıstr osy jumystar órt qaýipsizdigin saqtaý boıynsha óziniń múlkin qorǵaý arqyly eń qatal órt ınspektory menshik ıesi bolýy tıis ekenin kásipkerlerdiń túsinýine múmkindik beretinin atap ótti.