Boıjetkenniń júrgizýshi kýáligin satyp alǵany jaıyndaǵy aqparatty QR ІІM tekserip jatyr
ASTANA. QazAqparat - QR ІІM 20 jastaǵy Almaty turǵynynyń júrgizýshi kýáligin satyp alýyna qatysty aqparat tekserilip jatyr. Bul týraly QR ІІM Ákimshilik polıtsııa komıtetiniń baspasóz hatshysy Irına Lýkıanına Feısbýktaǵy paraqshasynda habarlady.
«Jas qyzdyń júrgizýshi kýáligi satyp alyndy dep áleýmettik jelige jarııalaýy faktisi boıynsha tekserý jumystary júrip jatyr. Ázirge qyzdyń júrgizýshilerdi daıyndaıtyn oqý uıymynda sáıkes oqytýǵa qatysqany jáne júrgizýshi kýáligin onyń tirkeý oryny boıynsha Almaty oblystyq ІІD bergeni belgili», - dep jazdy Irına Lýkıanına.
Eske sala ketsek, 20 jasar almatylyq boıjetken Instagram jelisine ózine júrgizýshi kýáligin satyp ápergenin jarııalap, ákesine alǵys bildirgen edi.
