Boıjetkendi zorlyqshylardan qutqaryp qalǵan qostanaılyq zań aldynda jaýap beredi
QOSTANAI. QazAqparat – Qostanaı polıtsııasy kúdiktini ustaý kezinde qarý qoldanǵan kúzet qyzmetkerine qatysty jaǵdaıǵa túsinikteme berdi, dep habarlaıdy QazAqparat.
Oqıǵa 23 maýsym kúni Qostanaı qalasyndaǵy Amangeldi kóshesiniń boıynda bolǵan. №15 balabaqshanyń kúzetshisi pýlttik kúzetti kómekke shaqyrý úshin dabyl pernesin basqan. Oqıǵa ornyna jetken pýlttik kúzet qyzmetkerleri 3 jigittiń boıjetkendi zorlyq kórsetip jatqanyn kórgen. Munan soń qylmyskerler jan-jaqqa qasha bastaǵan. Qylmyskerlerdiń bireýin toqtatpaq bolǵan pýlttik kúzet qyzmetkeri oq atqan.
«Qarý qoldanylǵan kez kelgen jaǵdaıdyń zańdylyǵyna tekserý júrgiziledi. Oq atqan kúzet qyzmetkerine qatysty QR QK 252 baby, 2 bóligi boıynsha (Jekeshe kúzet qyzmetteri qyzmetshileriniń ókilettikterin asyra paıdalanýy) is qozǵaldy. Biraq, osy oqıǵaǵa baılanysty jan-jaqty tekserý sharalary júrgizilip, sheshim shyǵady. Zań osylaı», - dep atap ótti polıtsııa departamentiniń baspasóz qyzmetindegiler.
Sonymen qatar tekserý jumystaryn prokýratýra qadaǵalaıdy.
