Boıjetkendi zorlaǵan jolserikter isi: Prokýratýra jazany kúsheıtýdi suraıdy

QOSTANAI.QazAqparat – Boıjetkendi zorlaǵan jolserikterge qatysty shyǵarylǵan úkim qaıta qaralýy tıis. Bul týraly QR Bas kólik prokýrory Ernat Sybanqulov Facebook paraqshasynda jazdy, dep habarlaıdy QazAqparat tilshisi.

«Bas kólik prokýratýrasy jolaýshyny zorlaǵan № 98 poıyzdyń jolserikterine qatysty sot úkimin zerttedi. Qostanaı kólik prokýratýrasynyń zertteýiniń nátıjesinde sotqa úkimdi ózgertý jáne sottalǵandarǵa qatysty neǵurlym qatań jaza qoldaný týraly apellıatsııalyq ótinish berildi», - dep jazdy E. Sybanqulov.

Eske salsaq, ǵylymı konferentsııadan qaıtyp kele jatqan boıjetkendi «Talgo» poıyzynda zorlady degen kúdik boıynsha eki jolserikke qatysty qylmystyq is sotqa túsken. Keıin bul oqıǵa boıynsha «Jolaýshylar tasymaly» AQ túsinik berdi. 26 shilde kúni Qostanaıda «Tulpar-Talgo» poıyzynda aqtóbelik boıjetkendi zorlaǵan eki jolserikke úkim oqyldy.