Boıjetkendi qutqarmaq bolǵan 29 jastaǵy jigittiń ózi sýǵa batyp ketti
KÓKShETAÝ. QazAqparat – Aqmola oblysynda sýǵa qulaǵan boıjetkendi qutqarmaq bolǵan 29 jastaǵy jigittiń ózi sýǵa batyp ketti, dep habarlaıdy QazAqparat tilshisi oblystyq TJD baspasóz qyzmetine silteme jasap.
Vedomstvonyń málimetinshe, qaıǵyly jaǵdaı maýsymnyń 21-de tańǵy saǵat 05:00 shamasynda Tselınograd aýdanynyń Orazaq aýylynda bolǵan.
«Іzdestirý jumystaryna Nur-Sultan qalasynyń TJD «Órt sóndirý jáne avarııalyq-qutqarý jumystary qyzmeti» MM jedel qutqarý jasaǵynyń kúsh-quraldary tartyldy. Belgili bolǵandaı, toǵyz adamnan turatyn jastar Nura ózenine demalýǵa barǵan. Tańǵy saǵat 05:00 shamasynda qyzdardyń biri jardan sýǵa qulap ketken. Sol kezde onyń artynan kómekke eki jigit sýǵa sekirgen. Onyń biri boıjetkendi jaǵaǵa alyp shyqsa, 1991 jyly týǵan jigit sýǵa batyp ketti», - deıdi TJD bastyǵynyń mindetin atqarýshy Manarbek Shapaǵatov.
Aıta keteıik, jyl basynann beri oblysta 7 adam sýǵa ketip, 20 adam qutqarylǵan.
