Boıjetkenderdiń qaterli isik dertine shaldyǵýynyń negizgi sebebi temekiden - DDSU
ASTANA. 23 qazan. QazAqparat - Álemde boıjetken qyzdardyń qaterli isik dertine shaldyǵýynyń negizgi sebebi temekiden bolyp jatady. Bul týraly búgin Astanada ótken baspasóz máslıhatynda Dúnıejúzilik densaýlyq saqtaý uıymynyń Qazaqstandaǵy ókili Melıta Výınovıch málim etti.
Onyń sózine qaraǵanda, álemde qaterli isik dertine shaldyǵý deńgeıi temeki ónimderiniń jarnamasy sekildi joǵarylap keledi.
«Sońǵy jyldary álemde temekini paıdalaný men onkologııalyq aýrýlar ósiminiń qarqyny uqsas»,-dep naqtylap ótti M. Výınovıch.
Sonymen qatar ol áıelderdiń qaterli isik indetine shaldyǵýyn yntalandyratyn taǵy da basqa sebepterdi aıta kele, onyń ishinde durys tamaqtanbaý men az qımyldaıtyn ómir salty sekildi faktorlar bar ekenin jetkizdi.
«Ǵylymı zertteýlerdiń dáleldi dáıegine súıensek, kem degende 30 mınýt kólemindegi belsendi júris-turys densaýlyqtyń jaqsarýyna aıtarlyqtaı áser etedi»,-deıdi DDSU ókili.
