Boıjetken vıdeoda sybyrlaı sóılep 80 myńǵa jýyq dollar tapty

ASTANA. QazAqparat - Ulybrıtanııadaǵy stýdent Sofı Mıshel ASMR  formatynda vıdeo túsirip, bir jyldyń ishinde £60 myń ($78 myń) tapqan. Boıjetkenniń kórermendermen sybyrlap sóılegen rolıgi YouTube-qa jarııalanyp, qaralymy ondaǵan myńnan asyp ketti, dep habarlaıdy QazAqparat.

Qazir 21 jastaǵy brıtandyqtyń kanalyna 250 myń adam jazylǵan. Boıjetken óz vıdeosynda túrli taqyrypta sybyrlap sóıleıdi. ASMR formaty relaksatsııa úshin jaqsy qural, dep jazady The Mirror.

Sofıdiń negizgi tabys kózi - vıdeolarynda jasaıtyn jarnamadan túsedi. ASMR rolıgin túsirý týraly ıdeıa oǵan aǵasyna «bas súıek mıynyń isigi» dıagnozyn qoıǵannan keıin kelgen. Mıshel kúızelisten qutylý úshin amaldar izdep, osyndaı erekshe formatty qolaı kórgen. Mundaı ádistiń paıdasy keıbir jandardyń kúızelisten qutylyp, ýaıym-qaıǵyny umytýyna septigin tıgizedi.