Boıjetken týǵan kún keshinde ajal qushty
ASTANA. 6 naýryz. QazAqparat - Elordalyq polıtseıler boıjetkenniń ólimine qatysy bar 30 jastaǵy qala turǵynyn tutqyndady.
Bul týraly búgin ótken aptalyq brıfıngte QR ІІM resmı ókili Nurdildá Oraz málim etti.
Onyń aıtýynsha, 3 naýryz kúni Astana qalasy Esil aýdanyndaǵy jaldamaly páterden atys qarýynan jaraqattanǵan 18 jastaǵy kolledj stýdentiniń máıiti tabyldy. Anyqtalǵandaı, jábirlenýshi dostarymen birge týǵan kún keshinde qonaqta bolǵan. Túngi 1-ler shamasynda mastyqtyń býymen úıdiń aldynda ýlap-shýlap turǵan jastar ózderiniń qoǵamdyq tynyshtyqty buzǵanyna mán bermegen. Aldyn ala málimetter boıynsha, osy ýaqytta úıine qaıtyp kele jatqan beıtanys jigit olarǵa shýlamańdar dep eskertý jasaıdy. Biraq jastar onyń eskertpesine qulaq aspaı balaǵattap, judyryq ala umtylǵan. Namystanǵan jigit úıinen ańshy myltyǵyn alyp shyǵady. Atys qarýyn kórgen jastar páterlerine kirip, boı tasalaıdy. Osy ýaqytta ashý-yzaǵa býlyqqan kúdikti páterdiń esigine qarata oq atady, al oq esiktiń arǵy jaǵynda turǵan qyzǵa tıgen. Ustalǵan kúdikti ýaqytsha ustaý ızolıatoryna qamaýǵa alyndy. Tirkelgen 12-kalıbrli ańshy myltyǵy tárkilenip, sot-medıtsınalyq jáne ballıstıkalyq saraptama taǵaıyndaldy. Atalǵan fakti boıynsha qylmystyq is qozǵaldy.
