Boıjetken poıyzda ony UQK-niń qyzmetkeri zorlamaq bolǵanyn aıtty
ASTANA. 1 naýryz. QazAqparat - 29 aqpan kúni saǵat 18.00-de Astana stansysyndaǵy Jelilik ishki ister basqarmasyna 18 jastaǵy elordalyq boıjetken shaǵymdanyp, ony 29 aqpanda, túngi saǵat on eki jarym shamasynda «Astana-Almaty» baǵytyndaǵy №10-jolaýshylar poıyzy Qaraǵandy stansysyna jeter kezde, ishimdikke masaıǵan belgisiz er adam zorlamaq bolǵanyn aıtty.
Bul týraly Kóliktegi ІІD-niń baspasóz qyzmetinen habarlady.
Poıyz Almaty-1 stansysyna kelgende Jelilik ishki ister basqarmasynyń qyzmetkerleri Astana qalasynyń 34 jastaǵy turǵynyn, Ulttyq qaýipsizdik komıtetiniń Astana qalasy boıynsha departamentinde maıor dárejesinde operatıvtik kezekshi bolyp jumys isteıtin azamatty ustady. Materıal Almaty qalasynyń Áskerı-tergeý basqarmasyna jóneltildi.
