Boıjetken kassır men ony soqqyǵa jyqqan Qýanysh Tórekeldıev bitimge keldi
ASTANA. QazAqparat - Qýanysh Tórekeldıevke qatysty sot aldyndaǵy tergeý taraptardyń bitimge kelýine baılanysty toqtatyldy, dep habarlady Astana q. Іshki ister departamentiniń baspasóz qyzmetinen.
«Qýanysh Tórekeldıevke qatysty sot aldyndaǵy tergeý taraptardyń QR QK 68-babyna sáıkes kelisýine (tatýlasýyna) baılanysty toqtatyldy», - delingen habarlamada.
Eske sala keteıik, aty shýly oqıǵa elordalyq «Saryarqa» SOSO-daǵy «Kınopark» kınoteatrynda oryn aldy. Kassırmen arada daý týǵandyqtan, jigit oǵan salqyn sýdyń ydysyn laqtyryp, keıin qyzdy tepkiniń astyna alǵan. Polıtsııa buzaqyny sol kúni ustady. Bul 22 jastaǵy Astana turǵyny Qýanysh Tórekeldıev ekeni anyqtaldy.
Jelide oqıǵa beınelengen vıdeo jarııalandy. Rolık paıdalanýshylar arasynda úlken narazylyq týdyryp, tez tarap ketti.
Kúdiktige qatysty QR QK 293-baby boıynsha sot aldyndaǵy tergeý bastalǵan edi.
