Boıjetken Barbı qýyrshaǵyna uqsaý úshin 14 myń dollar jumsaǵan
ASTANA. QazAqparat - Helsınkı turǵyny Jasmın Brıtnı Barbı qýyrshaǵyna uqsaý úshin eki jylda 14 myń dollar jumsaǵan. 1998 jyly ony kólik qaǵyp ketken soń, 26 jastaǵy boıjetkenniń denesi moıynynan tómen sal bolyp qalǵan.
Sol kezden beri boıjetken syrtqy kelbetin jıi aýystyryp, ózgerý nátıjeleriniń fotosýretteri men beınejazbalaryn Facebook-te jáne óziniń YouTube-arnasynda jarııalaǵan. Onyń kıimderi men makııajynyń shyǵyndaryn ata-anasy ótedi.
Sal bolǵan boıjetkenniń aıtýynsha, ol bul bastamasy arqyly taǵdyrdyń osyndaı synaǵyna tap bolǵan adamdardy shabyttandyrǵysy keledi. «Men syrtqy kelbetime kóp kóńil bólemin. Basyma túsken jaǵdaı qalypty jáne tolyqqandy ómir súrýime kedergi bolǵan joq», - dedi Brıtnı.
Ǵalamtordaǵy belsendiliginen basqa, ol sal bolyp qalǵan basqa adamdarǵa keńes berip, ózderine degen senimdi arttyrýǵa kómektesip júr.
