Boıjetken 6 jyldan beri kúnde avtomobıl shınalaryn jep keledi
ASTANA. 10 naýryz. QazAqparat - AQSh-tyń Djordjııa shtatyndaǵy Atlanta turǵyny qyzyqty dámdik qushtarlyǵymen erekshelendi. Kádimgi adam jeıtin tamaqtyń ornyna 19 jastaǵy Ellıson tańerteńgi, túski jáne keshki asta avtomobıl shınalaryn jeýdi jaqsy kóredi, dep habarlaıdy Ýtro.rý.
Onyń osyndaı ózgeshe «asqa» táýeldiligi alty jyl buryn paıda boldy. Sol kezden beri Ellıson aı saıyn avtomobıl dóńgeleginiń 6 keliden astamyn jep otyrady. Boıjetken bul ádetinen aryla almaı, tipti arylǵysy kelmeı júr.
«Maǵan hımııalyq dám unaıdy. Bul dámdik retseptorlar úshin naǵyz shok. Tamasha!», - dep moıyndady asqa jatpaıtyn materıaldy kún saıyn jep otyratyn Ellıson.
Shınalardy jeý qarynnyń ashýyn qandyryp qana qoımaı, tamasha rahat sezimine bóleıdi. Árıne, boıjetken dóńgelekterdi tolyqtaı jemeıdi. Óz asqazanyna yńǵaıly bolyp, ony saqtap qalýy úshin Ellıson rezınany usaq týrap jeıdi.
Óziniń erekshe áýestiliginiń alty jylynda amerıkandyq boıjetken jalpy alǵanda 50 shınany jasaýǵa jetetin rezınany jep úlgerdi. «Rezına tekstýrasy boıynsha maǵan ystalǵan sıyr etiniń dámin eske túsiredi. Ony shaınaý qıyn, bul tisteriń úshin naǵyz jattyǵý bolyp tabylady», - dep baıandady rezınany jaqsy kóretin qyz.
