Boıy uzyn brıtandyqtyń mashına júrgizýine tıym salyndy
ASTANA. QazAqparat - Polıtsııa 26 jastaǵy Nıýkasl qalasynyń turǵyny Adam Ellıotty Ford Ka kabrıoletti júrgizip kele jatqanda toqtatqan. Tártip saqshylarynyń nazary jel ótetin áınekten basy shyǵyp turǵan júrgizýshige túsken.
Olar Ellıotty avtomobıldi turyp júrgizdi dep kúdiktengen. Bul týraly The Telegraph basylymy habarlaıdy.
Alaıda, mashına satýmen aınalysatyn er kisiniń boıynyń uzyndyǵy 200 santımetrge jetken. Klıentine mashına alyp bara jatqan ol kólikke syımaǵan.
Sottyń kezekti otyrysynda Ellıot advokatynyń nusqaýymen óziniń kólikti qaýipti júrgizetinin moıyndaǵan. «Siz shatyry ashylatyn shaǵyn kólikke basqa júrgizýshilerge boıyńyzdyń uzyndyǵyn kórsete otyryp mingenińiz anyq. Siz basqa júrgizýshilerdiń nazaryn ózińizge aýdardyńyz, al bul qaýipti», dep málimdedi isti qaraǵan sýdıa.
Ellıotqa 27 aqpan - sottyń kelesi otyrysyna deıin mashına rýline otyrýǵa tıym salyndy.
