Boıy uzyn áıelder men erler turatyn memleketter anyqtaldy

ASTANA. QazAqparat - Latvııalyq áıelder men gollandııalyq erler jer betindegi eń uzyn jandar. NCD Risk Factor kollaboratsııasynyń ǵalymdary jasaǵan sońǵy zertteýdiń nátıjesi osyndaı, dep habarlady The Guardian gazeti.

Boıy uzyn áıelder men erler turatyn memleketter anyqtaldy

Ǵalymdardyń anyqtaýynsha, Latvııa áıelderiniń ortasha boıy 168 sm quraıdy, al nıderlandtyq erlerdiń ortasha boıy 182,5 sm eken. Bul zertteý sońǵy 100 jylda álemniń 187 elindegi adamdardyń boıy uzaryp jatqanyn dáleldegen. Máselen, Irlandııadaǵy erlerdiń boıy 1914 jyldan bastap, shamamen 16 santımetrge uzarǵan. Al áıelder arasynda ońtústikkoreıalyq názikjandylardy mysal etip alýǵa bolady. Sońǵy 100 jylda olardyń boıy 20 santımerge ósken.

Zertteý nátıjesine sáıkes, Belgııa, Latvııa, Estonııa, Danııa erlerin de uzyn boılylardyń qataryna jatqyzýǵa bolady. Al eń alasa erler Shyǵys Tımorda turatyn bolyp shyqty. Eń uzyn áıelderi bar elder - Nıderlandy, Estonııa, Chehııa eken.  Al Gvatemala áıelderiniń boıy eń qysqa, sońǵy 100 jylda 10 santımetrge uzarǵanyn esepke alsaq, olardyń qazirgi ortasha boıy - 150 santımetr.

Zertteýshiler, Jer betindegi áıelderge qaraǵanda erlerdiń boıy 12 santımetrge uzyn ekenin anyqtady.

Erterekte Afrıka kontınentiniń turǵyndary bıik dep sanalatyn. Biraq zertteýshiler Afrıka men Taıaý Shyǵys elderi halqynyń sońǵy birneshe onjyldyqta tómendep ketkenin aıtýda.