Qazaqstandyq mánerlep syrǵanaýshylar Olımpıada joldamasynan tys qaldy

ASTANA. KAZINFORM – Mánerlep syrǵanaýdan Qazaqstan quramasynyń ókilderi Boısangýr Datıev pen Gaýhar Naýryzova Beıjińde ótip jatqan Olımpıadaǵa irikteý týrnırin aıaqtady.

Qazaqstandyq sportshylar muzdaǵy bı baǵdarlamasynda 2026 jylǵy Olımpıadaǵa joldamasyna talasqan edi. Lıtsenzııa ıelený úshin úzdik tórttiktiń qataryna kirýi kerek edi. Ókinishke qaraı otandastarymyz Datıev pen Naýryzova erkin baǵdarlamada 134.78 upaımen 15-oryn aldy. 

Olımpıadalyq joldamany Ellıson Rıd pen Saýlıýs Ambrýlevıchıýs (Lıtva) - 198.73, Hollı Harrıs/Djeıson Chan (Aýstralııa) - 183.50, Sofııa Val/Asaf Kazımov (Ispanııa) - 170.32 jáne Shııýe Van/Sınıýı Lıý (Qytaı) - 168.83 upaımen ıelendi. 

Sondaı-aq qazaqstandyq mánerlep syrǵanaýshy Dıas Jırenbaev ta Beıjińde ótip jatqan irikteý týrnırinde Olımpıada joldamasynnan tys qaldy. 

Erler arasynda ótken jekeleı saıysta Dıas jalpy esepte 189.14 upaı jınap, 14-orynǵa turaqtady. 2026 jylǵy Olımpıadaǵa bes úzdik sportshy ǵana joldama aldy.

Eske sala keteıik, buǵan deıin mánerlep syrǵanaýshy Dıas Jırenbaev qysqa baǵdarlamada synǵa túskenin jazǵan edik.