Boıdaqtar kúninde «Alıbaba» platformasyndaǵy saýda aınalymy 25 mlrd dollardan asyp ketti
ASTANA. QazAqparat - 2017 jylǵy 11 qarasha kúni 24:00 bolǵanda «Alıbaba» ınternet saýda alańynda Boıdaqtar kúnine arnalǵan jahandyq saýda-sattyq toqtatyldy. Elektrondy kommertsııa gıgantyndaǵy saýda aınalymy 168 mlrd 269 mln ıýandy (25,38 mlrd dollar) qurady. Bul jaıly Sınhýa habarlaıdy.
Bul - bólshek saýda salasyndaǵy álem rekordy boldy. Uıaly telefondar arqyly jasalǵan saýda kólemi 90%-ti qurady. «Alıpeı» (Alipay) arqyly tólengen tólemder mólsheri byltyrǵyǵa qaraǵanda 41%-ke ósip, 1,48 mlrd-qa jetti.
Taýarlardy jetkizip berýge rásimdelgen tapsyrystardyń sany 812 mln (+23%) boldy. Bıylǵy jappaı saýdaǵa álemniń 206 eliniń 140 myńnan astam brendi qatysty. Olar 15 mln-nan astam taýardy saýdaǵa shyǵarǵan. 24 saǵattyq onlaın saýdaǵa álemniń 225 elinen ınternet paıdalanýshylar qatysty.
