«Boıdaq» telehıkaıasy qazan aıynan bastap kórermenge jol tartady
ASTANA. QazAqparat - Qazaqstandyq rejısser, klıpmeıker, stsenarıst, prodıýser Asqar Uzabaevtyń «Boıdaq» atty kóp bólimdi fılmi qazan aıynda kórermender nazaryna usynylmaq.
Fılm sıýjetinde Qadyrbek esimdi 43 jastaǵy boıdaq týraly baıandalady. Ol sátsiz mahabbatynan keıin, qalǵan ómirin jumysyna arnaǵysy keledi. Bir kúni ony laýazymynan alyp tastaıdy. Onyń da sebebi otbasyn qurmaǵandyǵy bolady. Qyzmetindegi bedelinen aıyrylmaý úshin ol tez arada úılenip, otbasyly bolýy kerek.
10 bólimnen turatyn «Boıdaq» serıaly bıyl qazan aıynan bastap, «Habar» arnasynda kórsetilmek, dep habarlaıdy kinostan.kz.
