BoxRec úzdik boksshylardyń reıtıngin jarııalady

NUR-SULTAN. QazAqparat - BoxRec úzdik P4P boksshylarynyń reıtıngin jarııalady, dep habarlaıdy QazAqparat Qazaqstannyń kásipqoı boks qaýymdastyǵyna silteme jasap.

BoxRec portaly boksshylardy salmaq dárejesine qaramastan bir qatarǵa qoıyp, arasynan úzdikterdi saraptaıdy. Ótken aıda alǵashqy ondyqta aıtarlyqtaı ózgerister bolǵan joq.

Degenmen, aıaq astynan bul tizimge WBC jáne WBO nusqasy boıynsha eks-chempıon Maırıs Brıedıs kirip ketken. Buǵan deıin ondyqtyń onynshy ornynda, ıaǵnı Brıedıs jaıǵasqan pozıtsııada Sergeı Kovalev turǵan bolatyn.

Reseılik aýyr salmaqtaǵy boksshy Aleksandr Povetkın brıtanııalyq Dıllıan Ýaıtty jeńgennen keıin tizimde birden on birinshi orynǵa kóterilgen.

BoxRec tańdaýy boıynsha úzdik pound-for-pound boksshylar:

1. Saýl Alvares (Meksıka);
2. Taıson Fıýrı (Ulybrıtanııa);
3. kishi Errol Spens (AQSh);
4. Gennadıı Golovkın (Qazaqstan);
5. Deonteı Ýaılder (AQSh);
6. Entonı Djoshýa (Ulybrıtanııa);
7. Terens Kroýford (AQSh);
8. Mennı Pakıao (Fılıppın);
9. Vasılıı Lomachenko (Ýkraına);
10. Maırıs Brıedıs (Latvııa).