Boxrec.com reıtınginiń TOP-ondyǵyna Qazaqstannan birden 3 boksshy endi

NUR-SULTAN. QazAqparat – Boxrec.com saıty Amerıka ókili Demetrıýs Andrade (31-0, 19 KO) resmı túrde sýperorta salmaqqa aýysqannan keıin orta salmaqtaǵy úzdik boksshylar reıtıngin jańartty. QazAqparat bul týraly Sports.kz saıtyna silteme jasap habarlaıdy.

Orta salmaq reıtınginiń TOP-ondyǵyna Qazaqstannan birden 3 boksshy endi: WBA Super, IBF jáne IBO chempıony Gennadıı Golovkın (42-1-1, 37 KO), WBO-niń tolyqqandy chempıony Jánibek Álimhanuly (12-0, 8 KO) jáne WBO International chempıony Meıirim Nursultanov (17-0, 10 KO).

Orta salmaqtaǵylar tiziminde Golovkın birinshi orynda tursa, Álimhanuly – segizinshi, Nursultanov – toǵyzynshy.

Aıta keteıik, TOP-10-ǵa eń kóp boksshy Qazaqstannan enip otyr. Ózge elderden alǵashqy ondyqqa tek bir boksshydan qosylǵan: kishi Krıs ıÝbenk (32-2, 23 KO, Ulybrıtanııa), Haıme Mýngııa (40-0, 32 KO, Meksıka), Karlos Adames (21-1, 16 KO, Domınıkan Respýblıkasy), Sergeı Derevıanchenko (14-4, 10 KO, Ýkraına), Maıkl Zerafa (30-4, 19 KO, Aýstralııa), Erıslandı Lara (29-3-3, 17 KO, Kýba / AQSh), Vınsent Faıgenbýtts (34-3, 30 KO, Germanııa).

Eske salaıyq, Jánibek Álimhanuly orta salmaqta WBO-dyń tolyqqandy álem chempıony atanǵan edi. Boksshyny bul jetistigimen QR Prezıdenti Qasym-Jomart Toqaev quttyqtady. Keıin Álimhanuly tórt salmaqta álem chempıony atanýǵa Memleket basshysyna ýáde berdi. Endi ol óz dıvızıonyndaǵy basty qarsylasy - WBC beldiginiń ıegeri Djermallý Charlony (32-0, 22 KO) jekpe-jekke shaqyryp otyr.

Al Gennadıı Golovkın aldaǵy 17 qyrkúıekte Saýl-Kanelo Alvarespen aıqasynadaıyndyq ústinde.